‘సరిలేరు నీకెవ్వరు’తో మంచి విజయాన్ని అందుకున్న సందర్భంగా ఓ స్పెషల్‌ కార్డ్‌ను సితార, ఆద్యా తయారు చేసి మహేశ్‌కు బహుమతిగా అందించారు. గిఫ్ట్‌ చూసిన మహేశ్ చాలా సంతోషించి.. 'ఈ కార్డ్‌ను నేను ఫ్రేమ్‌ కట్టించి, స్టడీ రూమ్‌లో పెట్టుకుంటాను' అని అన్నాడు.
సితార: ఆర్మీ అధికారి పాత్రలో నటించడం ఎలా ఉంది?
మహేశ్: ఆర్మీ అధికారి పాత్రలో నటించడం చాలా గర్వంగా ఉంది. ఆర్మీ వాళ్లు లేకపోతే మనం ఇక్కడ ఇంత సంతోషంగా ఉండేవాళ్లం కాదు.
ఆద్యా: ఆ పాత్రను పోషించడం ఛాలెంజ్‌గా అనిపించిందా?
మహేశ్: మేజర్‌ అజయ్ కృష్ణ పాత్రను పోషించడం ఛాలెంజ్‌గా అనిపించలేదు. ఈ సినిమా షూటింగ్‌ కశ్మీర్‌లో చిత్రీకరించాం. ఆ సమయంలో కొంతమంది ఆర్మీ వాళ్లతో మాట్లాడాను. ఈ షూటింగ్‌ ఎప్పటికీ గుర్తుండిపోతుంది.
మహేశ్: కశ్మీర్‌ షూటింగ్‌కు నువ్వు కూడా వచ్చావ్‌ కదా. అక్కడ మనం సితార పుట్టినరోజును సెలబ్రేట్‌ చేశాం. మరి నీ అనుభవం ఎలా ఉంది?
ఆద్యా: చాలా అద్భుతంగా ఉంది
సితార: బాంబ్‌ పేలగానే జాతీయ పతాకం రంగులు రావడం.. ఎలా అనిపించింది?
మహేశ్: ఆ ఆలోచన మా దర్శకుడిది. మొత్తం కంప్యూటర్‌ గ్రాఫిక్స్‌లో చేశాం. (మధ్యలో సితార అందుకుని అది చూసి అందరూ వావ్‌ అన్నారు. వెంటనే మహేశ్.. నన్ను కొంచెం మాట్లాడని.. (నవ్వులు))
సితార: ఈ సినిమా మొత్తంలో ట్రైన్‌ సీక్వెన్స్‌ చాలా ఫన్నీగా ఉంటుంది. మరి షూటింగ్‌ సమయంలో ఎలా అనిపించింది?
మహేశ్: ఆ ట్రైన్‌ ఎపిసోడ్ షూటింగ్‌ చాలా ఫన్నీగా సాగింది. ట్రైన్‌ సీక్వెన్స్‌లోని ప్రతి సీన్‌ షూట్‌ అవ్వగానే మేమందరం బాగా నవ్వుకునే వాళ్లం. అది చాలా గ్రేట్‌ టైమ్‌.
ఆద్యా: ఎప్పుడైనా ట్రైన్‌ జర్నీ చేశారా..?
మహేశ్: ఆ.. చాలా సంవత్సరాల క్రితం చిన్నప్పుడు ట్రైన్‌ జర్నీ చేశాను. మా డైరెక్టర్‌ అనిల్‌రావిపూడికి ట్రైన్‌ జర్నీ అంటే చాలా ఇష్టం. ఎందుకంటే ఆయనకు ఫ్లైట్స్‌ అంటే ఇష్టముండదు.
ఆద్యా: ఈ సినిమాలో మీకు నచ్చిన పంచ్‌ డైలాగ్‌..?
మహేశ్: 'మీరందరూ నేను కాపాడుకునే ప్రాణాలు' ఆ డైలాగ్‌ అంటే నాకు బాగా ఇష్టం
మహేశ్: మరి నీ ఫేవరెట్‌ డైలాగ్‌ ఏది?
ఆద్యా: మియావ్‌ మియావ్‌ పిల్లి.. మిల్క్‌ బాయ్‌తో పెళ్లి (నవ్వులు)
సితార: లుంగీలో డ్యాన్స్‌ చేయడం ఎలా ఉంది?
మహేశ్: బాగుంది. చాలా సంవత్సరాల తర్వాత నేను లుంగీలో డ్యాన్స్‌ చేస్తూ కనిపించాను. (మధ్యలో ఆద్యా అందుకుని ఈసారి మీరు లుంగీలో చాలా స్పెషల్‌గా కనిపించారు)
ఫేవరెట్‌ సీన్‌: ఇంటర్వెల్‌ సీన్‌
ఫేవరెట్‌ కలర్‌: తెలుపు
ఫేవరెట్‌ సాంగ్‌: మైండ్‌ బ్లాక్‌
ఫేవరెట్‌ ఫుడ్‌: ఏదైనా
అభిమానుల కోసం ఒక మాట: ఐ లవ్‌ దెమ్‌(వారంటే నాకిష్టం)
ఈ నెలలో మీకు జరిగిన ఓ గొప్ప విషయం: జనవరి 11, సరిలేరు నీకెవ్వరు రిలీజ్‌. ఎప్పటికీ గుర్తుండే రోజు
ఫేవరెట్‌ కోస్టార్‌: చాలా మంది ఉన్నారు. ప్రస్తుతం రష్మిక
ఇప్పటివరకూ మీరు నటించిన చిత్రాల్లో మీకు బాగా నచ్చిన మూవీ: సరిలేరు నీకెవ్వరు
ఇప్పటివరకూ మీకు వచ్చిన గొప్ప ప్రశంస: మా నాన్న నుంచి వచ్చింది. ఈ సినిమా చూశాక.. ఇప్పటివరకూ నేను నటించిన సినిమాలకంటే ఇందులో నా నటన చాలా బాగుందని చెప్పారు. అదే నాకు వచ్చిన గొప్ప ప్రశంస.
మహేశ్: ఈ సినిమా చూశాక మీకు ఎలా అనిపించింది?
సితార: మోస్ట్‌ ఎంటర్‌టైనింగ్‌ ఫిల్మ్‌.
మహేశ్: నన్ను ఇంటర్వ్యూ చేయడం ఎలా ఉంది?
సితార: అద్భుతం
ఆద్యా: ముందు కొంచెం భయం వేసింది. కానీ ఇప్పుడు ఓకే.
ఇదీ చదవండి: పారిస్ ఫ్యాషన్ వీక్లో 'గేమ్ ఆఫ్ థ్రోన్స్' నటి
