బాలీవుడ్ స్టార్ హీరో షారుక్ఖాన్.. వెండితెరపై కనిపించి, దాదాపు రెండేళ్లు గడిచిపోయింది. తమ ఆరాధ్య కథానాయకుడు కొత్త సినిమా ఎప్పుడా? అని అభిమానులు చాలాకాలం నుంచి ఎదురుచూస్తున్నారు. అయితే త్వరలో రానున్న రెండు భారీ బడ్జెట్ చిత్రాల్లో షారుక్ ప్రత్యేక పాత్రలు పోషించారని సమాచారం. వీటిలో మాధవన్ నటిస్తున్న 'రాకెట్రీ: ద నంబీ ఎఫెక్ట్', 'బ్రహ్మాస్త్ర' ఉన్నాయి.
మాధవన్ టైటిల్ రోల్లో నటిస్తూ, తొలిసారి దర్శకత్వం వహిస్తున్న సినిమా 'రాకెట్రీ'. ఇస్రో శాస్త్రవేత్త, పద్మభూషణ్ అవార్డు గ్రహీత నంబీ నారాయణ్ జీవితం ఆధారంగా తెరకెక్కిస్తున్నారు. అయితే ఇందులో షారుక్.. నారాయణ్ జీవితం గురించి చెప్పే జర్నలిస్టుగా కనిపించనున్నారట.
దీనితో పాటే అమితాబ్, రణ్బీర్ కపూర్, ఆలియా భట్, నాగార్జున తదితరలు నటిస్తున్న 'బ్రహ్మాస్త్ర'లోనూ షారుక్.. కీలక పాత్రలు పోషించారని సమాచారం. అయితే ఈ రెండింటికి సంబంధించిన చిత్రీకరణ ఇప్పటికే పూర్తయినట్లు టాక్.
ఇది చదవండి:
