బర్నింగ్ స్టార్ సంపూర్ణేశ్ బాబు కొత్త చిత్రం 'కొబ్బరిమట్ట'. ఈ సినిమాలో సింగిల్ షాట్లో తీసిన డైలాగ్ను విడుదల చేసింది చిత్రబృందం. దాదాపు మూడున్నర నిమిషాల పాటు ఉన్న ఈ డైలాగ్ను సంపూ సింగిల్ షాట్లో చెప్పేశాడు. ప్రపంచ చరిత్రలోనే అతిపెద్ద సింగిల్ షాట్ డైలాగ్ ఇదేనని చిత్రబృందం తెలిపింది.
- " class="align-text-top noRightClick twitterSection" data="">
అలనాటి పౌరాణిక సంభాషణలకు పేరడీగా చెప్పిన ఈ డైలాగ్ కోసం సంపూ పది రోజులు ప్రాక్టీస్ చేశాడట. గుక్క తిప్పుకోకుండా అంతసేపు సంపూ చెప్పిన ఈ సంభాషణ ప్రేక్షకులను ఆకట్టుకునే రీతిలో ఉంది. బర్నింగ్ స్టార్ కష్టం తెలుస్తోంది.
'పెదరాయుడు', 'ఆండ్రాయుడు', 'పాపారాయుడు' అనే మూడు విభిన్న పాత్రల్లో నటించాడు సంపూర్ణేశ్ బాబు. రూపక్ రొనాల్డ్సన్ ఈ చిత్రానికి దర్శకత్వం వహించాడు. నీలమ్ సాయి రాజేశ్ నిర్మాతగా వ్యవహరించాడు.
ఇది చదవండి: ఫ్రెండ్ కోసం ప్రేమలో పడ్డ 'మెంటల్ కృష్ణ'
