మాస్ మహారాజ రవితేజ కథానాయకుడిగా గోపీచంద్ మలినేని తెరకెక్కిస్తున్న చిత్రం 'క్రాక్'. తెలుగు రాష్ట్రాల్లో జరిగిన వాస్తవ సంఘటన ఆధారంగా రూపొందుతోంది. ఇందులో పోలీసు అధికారి వీర శంకర్‌ పాత్రలో కనిపించనున్నారు రవితేజ.
ప్రస్తుతం ఈ సినిమా షూటింగ్ గోవాలో జరుగుతోంది. ఆదివారం అక్కడి సుందరమైన ప్రదేశాల్లో నాయకానాయికలపై ఓ పాటను చిత్రీకరించారు. తమన్‌ సంగీతం అందించిన ఈ గీతానికి ప్రముఖ కొరియోగ్రాఫర్‌ రాజు సుందరం.. రవితేజ, శ్రుతిహాసన్‌తో స్టెప్పులు వేయించారు.
ఈ షూటింగ్కు సంబంధించిన ఫొటోల్ని సామాజిక మాధ్యమాల వేదికగా అభిమానులతో పంచుకుంది చిత్రబృందం. 2021 సంక్రాంతికి ఈ చిత్రం ప్రేక్షకుల ముందుకు రానుంది. ఈ సినిమాలో వరలక్ష్మీ శరత్‌ కుమార్‌, సముద్ర ఖని కీలక పాత్రల్లో దర్శనమివ్వనున్నారు. 'డాన్‌శీను', 'బలుపు' చిత్రాల తర్వాత రవితేజ-గోపీచంద్ కలయికలో వస్తున్న మూడో చిత్రమిది.
ఇదీ చదవండి:'పద్మావత్'లో ప్రభాస్ అందుకే నటించలేదు!
