ఈ బయోపిక్‌ని ఉచితంగా చూడొచ్చు

తమిళనాడు దివంగత ముఖ్యమంత్రి జయలలిత జీవితాధారంగా పలు సినిమాలు తెరకెక్కుతున్నాయి. ఇందులో రమ్యకృష్ణ జయ పాత్రలో కనిపించనున్న చిత్రం 'క్వీన్'. ఇది వెబ్​సిరీస్​ రూపంలో రూపొందింది. రేపు ప్రేక్షకుల ముందుకు రానుంది.

ఒక రంగంలో చెరగని ముద్ర వేయాలంటే ఒక జీవితకాలం సరిపోదు. అలాంటిది ఆమె పనిచేసిన రెండు రంగాల్లోను కోట్ల మంది అభిమానులని, ఆప్తులని సంపాదించుకుంది. చిత్ర పరిశ్రమలో దక్షిణాదిలోనే అగ్ర తారగా నిలిచి ఆ తర్వాత తమిళ రాష్ట్ర రాజకీయాలను శాసించే స్థాయికి ఎదిగి ఆరు సార్లు ముఖ్యమంత్రిగా పనిచేశారు జయలలిత.

ఒక సాధారణ మహిళ నుంచి సినీ పరిశ్రమలో అగ్ర తారగా అటునుంచి తమిళ రాజకీయాలకు దిక్సూచిగా ఎదిగిన జయలలిత జీవితం అందరికి స్ఫూర్తే, ఆసక్తికరమే. అందుకే ఆమె జీవితాన్ని వెండితెరపై ఆవిష్కరించేందుకు చాలా మంది దర్శకనిర్మాతలు ఆసక్తి చూపుతున్నారు. ఆమె జీవితం ఆధారంగా 'క్వీన్‌', 'తలైవి', 'ది ఐరన్‌ లేడి' అనే చిత్రాలు తెరకెక్కుతున్నాయి. ఇందులో 'క్వీన్‌' డిజిటల్‌ మాధ్యమం వెబ్‌ సిరీస్‌ రూపంలో తెరకెక్కింది.

ప్రముఖ దర్శకుడు గౌతమ్‌ మేనన్‌ వాసుదేవ్‌ 'క్వీన్‌'ని రూపొందించాడు. జయలలితగా శివగామి రమ్యకృష్ణ కనిపించనుంది. ఇప్పటికే విడుదలైన ప్రచార చిత్రం నెటిజన్లను విపరీతంగా ఆకట్టుకుంటుంది. రేపే ఈ 'క్వీన్‌' నెటిజన్ల ముందుకు రానుంది. అదీ ఉచితంగా. వెబ్‌ సిరీస్‌లోని అన్ని భాగాలు కూడా రేపే విడుదలకానున్నాయి. సినిమా థియేటర్లలో కాకుండా ఉచితంగా నేరుగా మొబైల్‌లోనే విడుదలచేయనున్న కారణంగా ఈ వెబ్‌సిరీస్‌ కోసం ఆసక్తిగా ఎదరుచూస్తున్నారు సినీ ప్రేమికులు.

• " class="align-text-top noRightClick twitterSection" data="">

ఇవీ చూడండి.. 'పండగ'లోని యాక్షన్‌ కోసం తేజ్ సిక్స్ ప్యాక్