కన్నుగీటుతోనే ఎందరో మనసుల్ని గెలిచేసింది ప్రియా ప్రకాశ్. దేశవ్యాప్తంగా సంచలనం సృష్టించిన ఈ అమ్మడు..ఆ తర్వాత టాలీవుడ్, బాలీవుడ్లో ఆఫర్లు కొట్టేసింది.
కొన్ని రోజులుగా హైదరాబాద్లోనే ఉంటున్న ఈ కేరళ కుట్టీ... రౌడీ హీరో విజయ్ దేవరకొండను కలిసింది. అతడితో తీసుకున్న ఓ ఫొటోను నెట్టింట షేర్ చేసింది. అంతేకాకుండా 'నువ్వంటే నాకు చాలా ఇష్టం'అని కామెంట్ కూడా పెట్టింది. ఇంకేముంది ఆ ఫొటో ప్రస్తుతం నెట్టింట వైరల్గా మారింది. వీరిద్దరి కాంబినేషన్లో సినిమా రాబోతుందని ఊహాగానాలు వినిపిస్తున్నాయి.
తెలుగులో లవర్బాయ్ నితిన్ సరసన 'రంగే దే' సినిమాలో నటిస్తోంది ప్రియా. ఇందులో రకుల్ ప్రీత్ సింగ్ మరో కథానాయిక. చంద్రశేఖర్ యేలేటి దర్శకుడు. పూజా కార్యక్రమాలు పూర్తిచేసుకున్న ఈ సినిమా త్వరలోనే సెట్స్ పైకి వెళ్లనుంది.
మలయాళ సినిమా 'ఒరు ఆదార్ లవ్'తో వెండితెరకు పరిచయమైంది ప్రియా. ప్రస్తుతం బాలీవుడ్లో 'శ్రీదేవి బంగ్లా'లో నటిస్తుంది.
ఇదీ చూడండి: సుమతో పోర్చుగీస్ భాషలో నాగ్-రకుల్ సందడి!
