*బెంగాలీ ప్రముఖ నటి స్వాతిలేఖ సేన్గుప్తా(71).. బుధవారం తుదిశ్వాస విడిచారు. థియేటర్ ఆర్టిస్ట్గా గుర్తింపు తెచ్చుకున్న ఈమె.. సత్యజిత్ రే(satyajit ray) తీసిన 'ఘరే బరే'లో ప్రధాన పాత్రలో నటించి మెప్పించారు.
*హీరోయిన్ ప్రణీత.. తన ఫౌండేషన్(Pranitafoundation) ద్వారా ఉచిత వ్యాక్సినేషన్ డ్రైవ్ను బెంగళూరులో ఏర్పాటు చేశారు. బుధవారం జరిగిన ఈ కార్యక్రమం విజయవంతంగా జరిగింది. ఇటీవల ఆమె ఓ వ్యాపారవేత్తను వివాహం చేసుకున్నారు.
*ఆనంద్ దేవరకొండ 'పుష్పక విమానం' సినిమాలో 'కల్యాణం' సాంగ్ శుక్రవారం విడుదల కానుంది. దీనిని ముద్దుగుమ్మ సమంత(Samantha) లాంచ్ చేయనున్నారు. ఇప్పటికే షూటింగ్ పూర్తి చేసుకున్న ఈ చిత్రం.. త్వరలో ప్రేక్షకుల ముందుకు రానుంది. దామోదర దర్శకత్వం వహించారు.
*బాలీవుడ్ స్టార్ ఆయుష్మాన్ ఖురానా(Ayushmann Khurrana).. ప్రముఖ దర్శకనిర్మాత ఆనంద్ ఎల్.రాయ్తో(Aanand L Rai) మరోసారి కలిసి పనిచేయనున్నారు. త్వరలో ఈ ప్రాజెక్టుపై స్పష్టత రానుంది.
