డార్లింగ్ ప్రభాస్.. ప్రస్తుతం ఓ పీరియాడికల్ సినిమాలో నటిస్తున్నాడు. పూజా హెగ్డే హీరోయిన్. రాధాకృష్ణ దర్శకుడు. ఇటీవలే జార్జియాలో ఓ షెడ్యూల్ పూర్తి చేసుకుంది. అక్కడి నుంచి వచ్చిన తర్వాత చిత్రబందమంతా, హోం క్వారంటైన్లో ఉంది. అయితే టైటిల్, ఫస్ట్లుక్ గురించి ఇప్పటివరకు ఎటువంటి సమాచారం ఇవ్వకపోవడంపై అభిమానులు కోపంగా ఉన్నారు. ఈ విషయమై తాజాగా ట్వీట్ చేసింది నిర్మాణ సంస్థ యూవీ క్రియేషన్స్.
ప్రస్తుతం చిత్రానికి సంబంధించిన అన్ని కార్యక్రమాల్ని తాత్కాలికంగా ఆపేశామని, కరోనా తీవ్రత తగ్గిన తర్వాత మరిన్ని అప్డేట్స్ పంచుకుంటామని చెప్పింది చిత్రబృందం. ప్రతి ఒక్కరూ ఇంట్లోనే ఉండాలని కోరింది.
ఈ సినిమా కోసం 'ఓ డియర్', 'రాధే శ్యామ్' అనే పేర్లను ఇప్పటికే రిజిస్టర్ చేయించారు. కానీ వీటిలో ఏది ఇంకా ఖరారు చేయలేదు. యూవీ క్రియేషన్స్, గోపీకృష్ణ మూవీస్ సంయుక్తంగా ఈ చిత్రాన్ని నిర్మిస్తున్నాయి. వచ్చే ఏడాది వేసవికి ప్రేక్షకుల ముందుకు రానుంది.
