బాలీవుడ్ ప్రముఖ హీరోయిన్ ప్రియాంకా చోప్రా ఉత్తమ సహాయ నటి విభాగంలో ఆస్కార్ అవార్డు దక్కించుకునే అవకాశం ఉందని ఓ ప్రచురణ సంస్థ తెలిపింది. ప్రస్తుతం ఆమె నటిస్తోన్న 'ది వైట్ టైగర్' నెట్ఫ్లిక్స్ సినిమాకు ఈ ప్రతిష్టాత్మక అకాడమీ అవార్డును సొంతం చేసుకునే అవకాశం ఉందని పేర్కొంది.
రాబోయే ఆస్కార్ అవార్డును దక్కించుకోనున్న వారిని అంచనా వేస్తుంటుంది ఈ ప్రచురణ సంస్థ. ఈ క్రమంలోనే జాబితాలో చోటు దక్కించుకున్న వారిలో ప్రియాంకతో పాటు, మెరిల్ స్ట్రీప్(ది ప్రోమ్) హాన్ యెన్-రి(మినారి), క్రిస్టిన్ స్కాట్ థామస్(రెబెకా) ఒలీవియా కొల్మన్(ది ఫాదర్)లు ఉన్నారు.
రామిన్ బహ్రానీ దర్శకత్వం వహించిన ఈ సినిమా.. అరవింద్ అడిగా నవల 'ది వైట్ టైగర్' ఆధారంగా తెరకెక్కిస్తున్నారు. ఇందులో ప్రియాంక ముందెన్నడూ కనిపించని పాత్రలో అలరించనుంది. ఆమె ఎగ్జిక్యూటివ్ ప్రొడ్యూసర్గానూ వ్యవహరిస్తోంది.
