రోవన్ అట్కిన్సన్ అంటే ఎవరికీ తెలియకపోవచ్చు. మిస్టర్ బీన్ అంటే ఇట్టే గుర్తుపట్టేస్తారు చాలామంది. తన హాస్యంతో అంతగా పాపులర్ అయ్యాడు. తెరమీద నవ్వులు పూయించే అట్కిన్సన్ నిజ జీవితంలో ఓ సాహసం చేశాడు. కుటుంబంతో కలిసి విమాన ప్రయాణం చేస్తున్న మన బీన్ పైలట్ స్పృహ కోల్పోతే విమానం నడిపి ఆశ్చర్యానికి గురిచేశాడు. అనేక మంది ప్రాణాలు కాపాడాడు. నిజానికి అట్కిన్సన్కు ఫ్లైట్ నడపడం రాదంట!
2001 మార్చిలో కుటుంబంతో కలిసి హాలీడేకు కెన్యా పయనమయ్యాడు మన బీన్. ఆనందంగా సాగుతున్న ప్రయాణంలో పైలట్ అకస్మాత్తుగా స్పృహ తప్పి పడిపోయాడు. ఆకాశంలో విమానం రివ్వుమని పోతోంది. ఏ మాత్రం ఆలస్యం చేయకుండా పైలట్ను పక్కకు జరిపి ఫ్లైట్ను కంట్రోల్ చేశాడు బీన్. కాసేపటికి పైలట్ కోలుకుని విమానాన్ని నైరోబీలోని విల్సన్ విమాశ్రయంలో దింపాడు.
విమానం నడపడం రాకపోయినా ఆపద సమయంలో తన వంతు ప్రయత్నం చేసి అందరి మన్ననలు పొందాడు అట్కిన్సన్. మిస్టర్ బీన్ సిరీస్తో ప్రపంచవ్యాప్తంగా అభిమానులను సంపాదించుకున్నాడు.
- " class="align-text-top noRightClick twitterSection" data="">
