మహేష్‌బాబు సతీమణి నమ్రత శిరోద్కర్‌ ఇన్‌స్టాగ్రామ్‌ వేదికగా ఓ అపురూప చిత్రాన్ని షేర్ చేసి.. దానికి ఆకట్టుకునేలా ఓ భావోద్వేగ భరితమైన సందేశాన్ని జోడించింది. తాజాగా ఆమె షేర్ చేసిన ఈ ఫొటోలో కృష్ణ, మహేష్, గౌతమ్‌లు ఒకే ఫ్రేమ్‌లో కనిపించారు. అంతేకాదు ఈ చిత్రంలో ముగ్గురూ ఒకే లుక్తో అచ్చు గుద్దినట్లు ఒకేలా దర్శనమిచ్చి ఆకట్టుకునేలా కనిపిస్తున్నారు.
- " class="align-text-top noRightClick twitterSection" data="
">
"ఈ ముగ్గురు నా సూపర్ హీరోలు. వీళ్లే నా బలం. ఈ ముగ్గురితో నా జీవితం సంపూర్ణమైంది. నా మీద ఈ ముగ్గురు చూపిస్తున్న ప్రేమ, గౌరవాలకు నేను కృతజ్ఞురాలిని. ప్రతిసారి ఈ ముగ్గురు నాకెన్నో కొత్త విషయాలు నేర్పిస్తున్నందుకు సంతోషంగా ఉంది."
-నమ్రత ట్వీట్
ప్రస్తుతం ఈ ఫొటోకు నెటిజన్ల నుంచి లైకులు, కామెంట్ల వర్షం కురుస్తోంది. మహేష్ కథానాయకుడిగా నటిస్తోన్న 'సరిలేరు నీకెవ్వరు' విడుదలకు ముస్తాబవుతోంది. అనిల్‌ రావిపూడి దర్శకత్వంలో రూపొందిన ఈ చిత్రం సంక్రాంతి కానుకగా జనవరి 11న ప్రేక్షకుల ముందుకు రానుంది.
ఇవీ చూడండి.. గోల్డెన్ గ్లోబ్ అవార్డులు: ఉత్తమ నటుడిగా 'జోకర్'
