కింగ్ నాగార్జున - పూరీ జగన్నాథ్ కాంబినేషన్లో ఓ చిత్రం తెరకెక్కనుందని సమాచారం. దర్శకుడు చెప్పిన స్టోరీ నాగార్జునకు నచ్చడం వల్ల ఆయన గ్రీన్సిగ్నల్ ఇచ్చాడని ప్రచారం జరుగుతోంది. ప్రస్తుతం పూరి రూపొందిస్తున్న పాన్ ఇండియా సినిమా చిత్రీకరణ పూర్తయ్యాక ఈ ప్రాజెక్టును పట్టాలెక్కించనున్నారని టాలీవుడ్ వర్గాలు అంటున్నాయి. ప్రస్తుతం దీనికి సంబంధించిన స్క్రిప్ట్ వర్క్ జరుగుతుందని తెలుస్తోంది. ఈ వార్త అక్కినేని అభిమానుల్లో కొత్త ఉత్సాహాన్ని తెచ్చింది.
అక్కినేని నాగార్జున ప్రస్తుతం 'బిగ్బాస్ 4' రియాల్టీ షో చిత్రీకరణలో బిజీగా ఉన్నారు. దీనికి సంబంధించిన ఓ ప్రొమో ఇటీవలే విడుదలై.. ప్రేక్షకుల నుంచి విశేషాదరణను దక్కించుకుంది. ఈ నెలాఖరు నుంచి ఈ రియాల్టీ షో ప్రసారం కానుంది. ప్రస్తుతం పూరి దర్శకత్వంలో విజయ్ దేవరకొండ హీరోగా ఓ పాన్ ఇండియా చిత్రం తెరకెక్కుతోంది. ఈ చిత్రాన్ని అనన్యా పాండే హీరోయిన్గా నటిస్తుండగా.. పూరీ జగన్నాథ్, ఛార్మి, కరణ్ జోహర్ సంయుక్తంగా నిర్మిస్తున్నారు.
