మెగాస్టార్ చిరంజీవి- కలెక్షన్ కింగ్ మోహన్బాబు మళ్లీ కలిసి నటించనున్నారా? అంటే అవుననే అంటున్నాయి టాలీవుడ్ వర్గాలు. ఈ కాంబినేషన్లో గతంలో వచ్చిన 'కొదమసింహం', 'లంకేశ్వరుడు' చిత్రాలు.. ప్రేక్షకాదరణ దక్కించుకున్నాయి. మళ్లీ ఇప్పుడు వీరిద్దరూ 'ఆచార్య' కోసం కలిసి పనిచేయనుండటంపై అభిమానుల్లో ఆసక్తి నెలకొంది.
ఈ విషయమై మెహన్‌బాబును చిరు సంప్రదించగా... ప్రతినాయకుడి ఛాయలున్న పాత్రలో అయితేనే తాను నటిస్తానని కలెక్షన్ కింగ్ చెప్పారట. త్వరలో దీనిపై స్పష్టత రానుంది. ఈ సినిమాలో రామ్చరణ్‌.. ఓ ప్రత్యేక పాత్ర పోషించనున్నట్లు ఇటీవలే చిరు వెల్లడించారు.
ప్రస్తుతం 40 శాతంకు పైగా చిత్రీకరణ పూర్తి చేసుకుందీ సినిమా. ఇందులో కాజల్ అగర్వాల్ హీరోయిన్. మణిశర్మ సంగీతమందిస్తున్నాడు. కొరటాల శివ దర్శకత్వం వహిస్తున్నాడు. కొణిదెల ప్రొడక్షన్స్, మ్యాట్నీ ఎంటర్టైన్మెంట్స్ సంయుక్తంగా నిర్మిస్తున్నాయి.
ఇదీ చూడండి : దర్శకధీరుడు రాజమౌళి తర్వాతి సినిమా మహేశ్తో
