తెలుగు తెరపై ఈగ, బాహుబ‌లి చిత్రాల‌లో మెరిసిన కన్నడ నటుుడు సుదీప్ తాజాగా 'పహిల్వాన్' సినిమాలో నటించారు. ఆకాంక్ష సింగ్ హీరోయిన్‌. ఎస్.కృష్ణ దర్శకుడు. బాలీవుడ్‌ నటుడు సునీల్‌ శెట్టి, కబీర్‌ దుహాన్‌సింగ్‌ కీలక పాత్రల్లో కనిపించనున్నారు. ఈ చిత్రంలో కిచ్చా సుదీప్ బాక్సర్గా అలరించేందుకు సిద్ధమయ్యాడు. తాజాగా ఈ సినిమా ఫస్ట్లుక్ పోస్టర్ను మెగాస్టార్ చిరంజీవి చేతుల మీదుగా విడుదల చేశారు. ఈ సందర్భంగా సుదీప్కు శుభాకాంక్షలు చెప్తూ చిరు పోస్టర్ రీలీజ్ చేస్తోన్న ఫొటోలను అభిమానులతో పంచుకుంది కొణిదెల ప్రొడక్షన్స్.
" సుదీప్ అద్భుతమైన, విలక్షణమైన, నిబద్ధత కలిగిన నటుడు. ప్రస్తుతం ‘పహిల్వాన్’గా వస్తున్నాడు. ఆ లుక్లో కనిపించేందుకు అతను పడిన కష్టం చూసి ఆశ్చర్యమేస్తోంది. తెలుగు ప్రేక్షకులు ఈ పహిల్వాన్‌ను ఆదరించాలని కోరుకుంటున్నాను. బ్రావో కిచ్చా సుదీప్. ఆల్ ది వెరీ బెస్ట్ ".
--మెగాస్టార్ చిరంజీవి, సినీ హీరో
కొణిదెల ప్రొడక్షన్ చేసిన ట్వీట్కు స్పందించాడు సుదీప్. తన సినిమా పోస్టర్ కన్నా చిరంజీవి చాలా అందంగా, ఆకట్టుకునేలా ఉన్నారని ట్వీట్ చేశాడు. పోస్టర్ విడుదల చేసినందుకు చిరంజీవికి కృతజ్ఞతలు తెలిపాడు. దక్షిణాదిన ఉన్న అన్ని భాషలలో ఈ చిత్రాన్ని విడుదల చేయనున్నారు నిర్మాత స్వప్న కృష్ణ.
చిరంజీవి న‌టిస్తోన్న సైరా న‌ర‌సింహారెడ్డి చిత్రంలో సుదీప్ కీలక పాత్ర పోషిస్తున్నాడు.
