వెండితెరపై చిరు డ్యాన్స్‌ చేస్తుంటే చూడటానికి రెండు కళ్లూ చాలవు. రీఎంట్రీ 'ఖైదీ నంబర్‌ 150'లో అదిరిపోయే స్టెప్పులతో అలరించారు మెగాస్టార్ చిరంజీవి. ఇప్పుడు మరోసారి తన మెగా మ్యాజిక్‌తో అభిమానులను అలరిస్తున్నారు. చిరంజీవి కథానాయకుడిగా కొరటాల శివ దర్శకత్వంలో తెరకెక్కుతున్న చిత్రం 'ఆచార్య'. రామ్‌చరణ్‌ కీలకపాత్ర పోషిస్తున్నారు. మే 13న ఈ సినిమా ప్రేక్షకుల ముందుకు రానుంది. ఈ నేపథ్యంలో ఇందులోని 'లాహే.. లాహే..' సాగే గీతాన్ని విడుదల చేశారు. ఇందులో నటి సంగీత ప్రత్యేక ఆకర్షణగా నిలిచారు.
- " class="align-text-top noRightClick twitterSection" data="">
ఈ పాటకు సంబంధించిన ప్రోమోను మంగళవారమే విడుదల చేసింది చిత్రబృందం. కేవలం 14 సెకన్ల నిడివి గల ఈ వీడియోలో ఒక్క స్టెప్‌తోనే చిరు మెస్మరైజ్‌ చేసేశారు. మణిశర్మ స్వరాలు సమకూరుస్తున్న ఈ చిత్రాన్ని మ్యాట్నీ ఎంటర్‌టైన్‌మెంట్‌, కొణిదెల ప్రొడక్షన్‌ కంపెనీ సంయుక్తంగా నిర్మిస్తున్నాయి.
ఇదీ చూడండి: 'ఆచార్య' సాంగ్ ప్రోమో.. నితిన్ 'మాస్ట్రో' గ్లింప్స్
