బాలీవుడ్ హీరో సుశాంత్ సింగ్ రాజ్పుత్ మరణాన్ని అతని అభిమానులు జీర్ణించుకోలేకపోతున్నారు. ఈ క్రమంలోనే సుశాంత్కు సంబంధించిన పాత వీడియోలు, ఫొటోలను సామాజిక మాధ్యమాల్లో పోస్ట్ చేస్తూ.. మధుర స్మృతులను గుర్తు చేసుకుంటున్నారు.
- " class="align-text-top noRightClick twitterSection" data="
">
ఇటీవలే సుశాంత్ సింగ్, కపిల్ శర్మ ఫ్యాన్క్లబ్ ఇన్స్టాగ్రామ్ ఖాతాలో ఓ చిన్న వీడియో క్లిప్ వైరల్గా మారింది. 2017, 48వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా(ఐఎఫ్ఎఫ్ఐ) కార్యక్రమంలో రాజ్పుత్ అభిమానులతో ముచ్చటించినప్పటి వీడియో అది. అందులో "మీ గర్ల్ఫ్రెండ్ పేరేమిటి?" అని ఓ అభిమాని అడగ్గా.. సుశాంత్ ఆశ్చర్యపోయాడు. అలా కొద్దిసేపు మౌనం పాటించి.. "నేను తర్వాత చెప్తా. ఇప్పుడు అందరి ముందు తన పేరు చెప్తే.. నన్ను అపార్థం చేసుకోవచ్చు" అంటూ సమాధానమిచ్చాడు.
- " class="align-text-top noRightClick twitterSection" data="
">
ఈ వీడియోతో పాటు సుశాంత్కు సంబంధించిన కొన్ని సరదా ఇంటర్వ్యూలు ప్రస్తుతం నెట్టింట వైరల్గా మారాయి. ఇక, సుశాంత్ చివరగా నటించిన 'దిల్ బెచారా' చిత్రం కోసం అభిమానులు వేయికళ్లతో ఎదురు చూస్తున్నారు. ఈనెల 6న ఈ సినిమా ట్రైలర్ విడుదల కానుంది. ముఖేశ్ ఛబ్రా దర్శకత్వం వహించిన ఈ మూవీ.. డిస్నీ ప్లస్ హాట్స్టార్లో జులై 24న విడుదల కానుంది. సుశాంత్పై ఉన్న ప్రేమకు నివాళిగా.. సభ్యత్వం తీసుకోకున్నా ఉచితంగా ఈ సినిమా వీక్షించేందుకు వీలు కల్పించారు.
ఇదీ చూడండి:మెగాస్టార్ చిత్రంలో రౌడీ బాయ్.. నిజమేనా!
