'నన్ను పెళ్లి చేసుకుంటారా?'అని అడిగిన ఓ నెటిజన్‌కు బాలీవుడ్‌ నటి సోనాక్షి సిన్హా తనదైన శైలిలో సమాధానం ఇచ్చింది. సోనాక్షి.. సినిమాలతో ఎంత బిజీగా ఉన్నా సామాజిక మాధ్యమాల వేదికగా అభిమానులతో అప్పుడప్పుడూ ముచ్చటిస్తూనే ఉంటుంది. ఎప్పటిలానే ఇటీవల ఇన్‌స్టాగ్రామ్‌ వేదికగా 'ఆస్క్‌ మీ ఎనీథింగ్‌' పేరిట ఓ సెషన్‌ను నిర్వహించింది.
ప్రశ్నలు అడిగిన వారందరికీ సరదాగా రిప్లై ఇచ్చింది. ఈ క్రమంలో ఓ నెటిజన్‌ 'మీరు నన్ను పెళ్లి చేసుకుంటారా?' అని అడగ్గా 'ప్రస్తుతానికి ఇన్‌స్టాగ్రామ్‌ వేదికగా ఇలాంటి ప్రపోజల్స్‌ని అంగీకరించట్లేదు' అని సోనాక్షి సమాధానం ఇచ్చింది.
మరికొందరు నెటిజన్లు తన ఫోన్‌ వాల్‌పేపర్‌ను, యూట్యూబ్‌ హిస్టరీని చూపించమని కోరగా సంబంధిత వివరాల్ని స్క్రీన్‌షాట్‌ తీసి వారితో పంచుకుంది. మరి సోనాక్షి ఏ వాల్పేపర్ సెట్‌ చేసుకుందో, యూట్యూబ్‌లో ఏం చూసిందో మీరూ చూసేయండి.
ఇవీ చదవండి:
