బాలీవుడ్లో మరో సినిమా చేయడానికి సిద్ధమయ్యారు మలయాళ హీరో దుల్కర్ సల్మాన్. దర్శకుడు ఆర్.బాల్కీ చెప్పిన కథ నచ్చడం వల్ల దానికి గ్రీన్సిగ్నల్ ఇచ్చినట్లు సమాచారం. ఈ వార్త నిజమైతే రెండేళ్ల తర్వాత బాలీవుడ్లో దుల్కర్ సల్మాన్ చేసే సినిమా అదే కాబోతోంది.
థ్రిల్లర్ నేపథ్యంలో రూపొందనున్న చిత్రాన్ని ఈ ఏడాది మార్చిలోగా సెట్స్పైకి తీసుకెళ్లనున్నట్లు సమాచారం. దర్శకుడు బాల్కీ.. ఇదివరకు 'పా', 'చీని కుమ్', 'కీ అండ్ కా' వంటి విభిన్న చిత్రాలను రూపొందించారు.
2018లో దర్శకుడు అవినాశ్ రాజ్పురోహిత్ తెరకెక్కించిన 'కార్వాన్' సినిమాతో దుల్కర్ సల్మాన్ బాలీవుడ్కు పరిచయమయ్యారు. ఆ తర్వాత 'ది జోయా ఫ్యాక్టర్'లోనూ ఆయన నటించారు. దుల్కర్.. ప్రస్తుతం మలయాళ చిత్రం 'కృప్'తో పాటు.. 'హే సినామికా' అనే తమిళ చిత్రంతో బిజీగా ఉన్నారు.
ఇదీ చూడండి: విజయ్ దేవరకొండ కొత్త చిత్రం 'లైగర్'
