విజయ్ దేవరకొండ బ్రాండ్‌ ఇమేజ్‌తో వెండితెరపైకి దూసుకొస్తున్నాడు అతడి సోదరుడు ఆనంద్ దేవరకొండ. ఈ చిత్రంతోనే హీరో రాజశేఖర్‌ రెండవ కుమార్తె శివాత్మిక వెండితెరపై అరంగేట్రం చేయనుంది. కె.వి మహేంద్ర దర్శకత్వంలో తెరకెక్కుతోన్న ఈ చిత్రానికి ‘దొరసాని’ పేరుతో ప్రీ లుక్ను విడుదల చేసింది చిత్ర బృందం.
ఈ పోస్టర్‌లో నాయకానాయికలిద్దరూ ఒకరి చేతులొకరు అందుకున్నట్లుగా చూపించారు. హీరోయిన్‌ చేతి వేలికి ఖరీదైన పెద్ద ఉంగరం ఉండగా.. హీరో చేతిపై మాత్రం తెల్లటి పెయింట్ మరకలున్నాయి. బ్యాక్గ్రౌండ్‌లో ఓ కాగితంపై ప్రేమ కవిత రాసి ఉంది. " కథవు నువ్వే.. కథనం నువ్వే.. నా మదిని తాకే అలవు నువ్వే.. కాలగమనంలో చెరిగిపోని ముత్యం నువ్వే.." అంటూ అస్పష్టంగా ఆ కవిత కనిపిస్తోంది.
ఈ సినిమా ఫస్ట్‌లుక్‌ను మే 30న విడుదల చేయబోతుందని తెలిపింది చిత్ర బృందం. మధుర శ్రీధర్‌ రెడ్డి, యష్‌ రంగినేని, సురేష్‌ ప్రొడక్షన్స్‌ సంయుక్తంగా నిర్మిస్తున్నాయి. ప్రస్తుతం నిర్మాణాంతర కార్యక్రమాల్లో ఉన్న ఈ చిత్రం.. జులైలో ప్రేక్షకుల ముందుకు రానుంది.
ఇవీ చూడండి--> బ్రేక్అప్ అంటున్న విజయ్ దేవరకొండ..?
