దీపావళి కానుకగా శనివారం(నవంబరు 14), పలు కొత్త సినిమాల అప్డేట్లు విడుదలయ్యాయి. ఇందులో 'మహాసముద్రం' థీమ్ పోస్టర్, శింబు 'ఈశ్వరన్' టీజర్, కల్యాణ్దేవ్ చిత్రం టైటిల్ ఉన్నాయి.
'మహాసముద్రం' పోస్టర్
శర్వానంద్, సిద్ధార్థ్ హీరోలుగా, అదితీరావు హైదరీ, అను ఇమ్మాన్యుయేల్ హీరోయిన్లుగా నటిస్తున్న సినిమా 'మహాసముద్రం'. దీపావళి కానుకగా థీమ్ పోస్టర్ను అభిమానులతో పంచుకున్నారు. 'అనంతమైన ప్రేమ' అనే క్యాప్షన్ జోడించారు. 'ఆర్ఎక్స్ 100' ఫేమ్ అజయ్ భూపతి దర్శకుడు.
శింబు 'ఈశ్వరన్' టీజర్
తమిళ హీరో శింబు నటిస్తున్న 'ఈశ్వరన్' టీజర్ విడుదలైంది. తెలుగులో దీనిని 'ఈశ్వరుడు'గా తీసుకున్నారు. నిధి అగర్వాల్ హీరోయిన్గా నటిస్తోంది. సుశీంద్రన్ దర్శకత్వం వహిస్తున్న ఈ చిత్రం వచ్చే సంక్రాంతికి రానుంది.
- " class="align-text-top noRightClick twitterSection" data="">
కల్యాణ్దేవ్ 'కిన్నెరసాని'
మెగా అల్లుడు కల్యాణ్దేవ్ కొత్త సినిమాకు 'కిన్నెరసాని' టైటిల్ నిర్ణయించారు. 'అశ్వథ్థామ' ఫేమ్ రమణతేజ దర్శకత్వం వహించనున్నారు. త్వరలో షూటింగ్ ప్రారంభం కానుంది.
సోడా బుడ్డిలో తారాజువ్వ
సుధీర్బాబు హీరోగా నటిస్తున్న 'శ్రీదేవి సోడా సెంటర్' బృందం.. అభిమానులకు దీపావళి శుభాకాంక్షలు చెప్పింది. దీనితో పాటే కొత్త పోస్టర్ను ట్విట్టర్లో పంచుకుంది. 'పలాస 1978' ఫేమ్ కరుణకుమార్ దర్శకత్వం వహిస్తున్నారు.
ఇది చదవండి: సోషల్వాచ్: టాలీవుడ్ దీపావళి సర్ప్రైజ్లు
