ప్రముఖ హీరోయిన్ దియా మీర్జా వివాహం బిజినెస్మ్యాన్ వైభవ్ రేఖితో ఘనంగా జరిగింది. ముంబయిలో సోమవారం రాత్రి ఈ వేడుక నిర్వహించారు. దీనికి ఇరుకుటుంబ సభ్యులతో పాటు సన్నిహితులు మాత్రమే హాజరయ్యారు. పెళ్లి తర్వాత మీడియా ముందుకొచ్చిన వైభవ్-దియా.. ఫొటోలకు ఫోజులిచ్చారు.
గతంలో సినీ నిర్మాత సాహిల్ సంగాతో దియా పెళ్లి జరిగింది. వ్యక్తిగత మనస్పర్ధల కారణంగా 2019లో వీరిద్దరూ విడిపోయారు. వైభవ్ కూడా తన మొదటి భార్యకు విడాకులిచ్చి దియాను మనువాడారు.
బాలీవుడ్లో సంజూ, తప్పడ్ లాంటి సినిమాలతో గుర్తింపు తెచ్చుకున్న దియా మీర్జా.. తెలుగులో నాగార్జున సరసన 'వైల్డ్డాగ్'లో నటిస్తోంది.
ఇది చదవండి: స్టేజ్ పైనే ఏడ్చేసిన హీరోయిన్ దియా మీర్జా
