తన క్యాలెండర్ కోసం బాలీవుడ్ తారల్ని విభిన్నంగా ఫొటోలు తీసి నెట్టింట సంచలనంగా మారాడు ప్రముఖ ఫొటోగ్రాఫర్ డబూ రత్నానీ. ఇందులో కియారా అడ్వాణీ టాప్లెస్ ఫొటో అయితే రచ్చ రచ్చ అయింది. అయితే ఆ ఛాయాచిత్రం ఆలోచన తనదని, దానినే అతడు కాపీ కొట్టాడని అంతర్జాతీయ ఫొటోగ్రాఫర్ మారి బార్చ్ ఆరోపించింది. అందుకు సంబంధించిన ఫొటోను ఇన్స్టాగ్రామ్లో పంచుకుంది.
ఈ విషయంపై ఎట్టకేలకు స్పందించాడు డబూ రత్నానీ. 2001లో తను టబును తీసిన ఫొటో ఆధారంగానే ఇప్పటి ఫొటో తీసినట్లు చెప్పాడు. ఆ విషయాన్నే పేర్కొంటూ, ఇన్స్టాలో పోస్ట్ పెట్టాడు. తనను నమ్మి, అండగా నిలిచిన స్నేహితులకు ధన్యవాదాలు చెప్పాడు.
