బాలీవుడ్లో వేగంగా సినిమాలు చేసే నటుడు అక్షయ్ కుమార్. ఒక సినిమా సెట్స్ మీద ఉండగానే కొత్త సినిమా కబుర్లతో అభిమానులను ఆనందంలో ముంచెత్తుతారు. ఒకేసారి వరుస షూటింగ్లో పాల్గొంటూ సినిమాలను పూర్తి చేస్తుంటారు. ప్రస్తుతం 'పృథ్వీరాజ్' సినిమా చిత్రీకరణలో బిజీగా ఉన్నారు. వచ్చే ఏడాది అక్షయ్ నటించిన 'బెల్బాటమ్', 'సూర్యవంశీ', 'బచ్చన్పాండే', మరికొన్ని చిత్రాలు థియేటర్లలో సందడి చేయనున్నాయి. ఈ దీపావళికి 'రామ్ సేతు' అనే కొత్త సినిమాలో నటించనున్నట్లు ప్రకంటించారు. దానికి సంబంధించిన ఒక పోస్టర్ను కూడా విడుదల చేశారు.
ఇప్పుడు 'రామ్ సేతు' విడుదల తేదీని ఖరారు చేశారాయన. 2022 సంవత్సరం దీపావళి కానుకగా ఈ సినిమాను థియేటర్లలోకి తీసుకొస్తున్నట్లు తాజాగా ప్రకటించారు. ప్రస్తుతం చేస్తున్న సినిమాలను ముగించి వచ్చే ఏడాది మధ్యలో ఈ చిత్రం షూటింగ్ను మొదలుపెట్టారు.
ఇదీ చూడండి:బాలీవుడ్ ధూమ్‌ ధామ్‌ జాన్‌ అబ్రహం
