బాలీవుడ్ అలనాటి తార మీనా కుమారి చక్కనైన ఆహార్యం, అభినయంతో అభిమానుల మనసుల్లో చోటు సంపాదించుకుంది. అయితే తాజాగా ఆమె బయోపిక్ను వెండితెరపైకి తీసుకురానుంది ప్రముఖ నిర్మాణ సంస్థ ఆల్మైటీ మోషన్ పిక్చర్. నటీనటుల వివరాలు త్వరలోనే ప్రకటిస్తామన్నారు.
జర్నలిస్ట్ అశ్విని భత్నగర్.. నటిపై రాసిన ప్రస్తకం ఆధారంగా ఈ చిత్రాన్ని తెరకెక్కిస్తున్నారు. ఆమె వ్యక్తిగత, వృత్తి జీవితంలో ఎదుర్కొన్న అవరోధాలను అధిగమించి ఉన్నత స్థాయికి ఎలా చేరిందో ఈ పుస్తకం ద్వారా తెలియజేశారు అశ్విని.
తొలుత వెబ్సిరీస్ రూపొందించాలని భావించింది నిర్మాణ సంస్థ. కానీ ఆ తర్వాత తన నిర్ణయాన్ని మార్చుకుంది.
మీనా కుమారి.. భారతీయ సినిమా చరిత్రలో ట్రాజడీ క్వీన్గా పేరుగాంచారు. బాలీవుడ్లో అత్యంత గొప్ప నటీమణిగా ఘనత సాధించారు. తన 30 ఏళ్ల కెరీర్లో దాదాపు 90 సినిమాల్లో నటించారు. ఆమె నటించిన వాటిలో ఎన్నో సినిమాలు క్లాసికల్ హిట్లుగా నిలవడం విశేషం. వాటిలో 'పాకీజా', 'సాహిబ్ బీబీ ఔర్ గులాం', 'మేరే అప్నే', 'ఆర్తీ', 'బైజు బవారా', 'పరిణీతా', 'దిల్ అప్నా ఔర్ ప్రీత్' సూపర్హిట్లుగా నిలిచాయి.
ఇది చూడండి 'మహేశ్బాబు ఇంట్లో లేకుంటే ఉండేది ఇక్కడే..'
