కోలీవుడ్ టాప్ హీరో విజయ్ నటించిన చిత్రం 'బిగిల్'. తెలుగులో 'విజిల్' పేరుతో ఈ శుక్రవారం ప్రేక్షకుల ముందుకు రాబోతుంది. ఈ సందర్భంగా ట్విట్టర్లో ఎమోజీ సింబల్ను సొంతం చేసుకుంది. ఇంతకు ముందు ఇదే కథానాయకుడు నటించిన మెర్సల్(అదిరింది).. ఈ ఘనత అందుకుంది. తమిళంలో మెర్సల్, కాలా, ఎన్జీకె సినిమాలకు ఎమోజీలు వచ్చాయి. తెలుగులో 'సాహో' ఈ ఘనత అందుకున్న తొలి సినిమా.
ఫుట్బాల్ నేపథ్య కథాంశంతో ఈ చిత్రాన్ని రూపొందించారు. ఇప్పటికే విడుదలైన ట్రైలర్ ఆకట్టుకుంటోంది. నయనతార హీరోయిన్. ఏఆర్.రెహమాన్ సంగీతమందించాడు. అట్లీ దర్శకత్వం వహించాడు. ఇంతకు ముందుకు అట్లీ-విజయ్ కాంబినేషన్లో తెరి(పోలీసోడు), మెర్సల్(అదిరింది) వచ్చాయి. ఈ రెండు ప్రేక్షాకాదరణ పొందాయి.
ఇది చదవండి: ఆ ఘనత సాధించిన తొలి తెలుగు చిత్రం 'సాహో'
