సూపర్స్టార్ మహేశ్బాబు హీరోగా నటిస్తున్న కొత్త చిత్రం 'సర్కారు వారి పాట'.. ఈ నెలలోనే రెగ్యులర్ షూటింగ్ ప్రారంభం కానుంది. ఈ సినిమా తొలి షెడ్యూల్ను తొలుత అమెరికాలో ప్రారంభించాలని నిర్ణయించినా.. కరోనా కారణంగా దుబాయ్లో చిత్రీకరించాలని చిత్రబృందం సన్నాహాలు చేస్తోంది.
దుబాయ్లో జనవరి 25 నుంచి 'సర్కారు వారి పాట' తొలి షెడ్యూల్ ప్రారంభం కానుందని సమాచారం. 25 రోజుల పాటు అక్కడ షూటింగ్ జరపనున్నారట. ఇందులో మహేశ్ బాబుతో సహా ఇతర నటీనటులు పాల్గొననున్నారని తెలుస్తోంది.
తొలి షెడ్యూల్ పూర్తైన తర్వాత చిత్రబృందం హైదరబాద్ తిరిగి రానుంది. ఇక్కడ మరో షెడ్యూల్ షూటింగ్ ముగించుకున్న తర్వాత అమెరికా వెళ్లాలనే ఆలోచనలో దర్శకనిర్మాతలు ఉన్నారని సమాచారం. ఈ చిత్రానికి పరశురామ్ దర్శకత్వం వహించగా.. మైత్రీ మూవీ మేకర్స్, మహేశ్ బాబు జీఎంబీ ఎంటర్టైనర్స్, 14 రీల్స్ ప్లస్ సంస్థలు సంయుక్తంగా నిర్మిస్తున్నాయి. తమన్ స్వరాలు అందిస్తున్నారు.
ఇదీ చూడండి: ఈసారి మంట మామూలుగా ఉండదు: రామ్
