*'భీమ్లా నాయక్' నుంచి ఫ్యాన్స్కు సర్ప్రైజ్ వచ్చింది. షూటింగ్ స్పాట్లో పవన్-త్రివిక్రమ్ ఉన్న ఫొటోను చిత్రబృందం రిలీజ్ చేసింది. ఇందులో పవర్స్టార్ నవ్వుతూ కనిపించారు.
ఈ సినిమా సంక్రాంతి కానుకగా జనవరి 12న ప్రేక్షకుల ముందుకు రానుంది. రానా ప్రధాన పాత్రలో నటించారు. నిత్యామేనన్, సంయుక్త హీరోయిన్లు. తమన్ సంగీతమందించారు. త్రివిక్రమ్.. స్క్రీన్ప్లే-మాటలు రాశారు. సాగర్ కె చంద్ర దర్శకుడు.
*'బంగార్రాజు' సినిమాలోని 'నీ కోసం' అంటూ సాగే లిరికల్ సాంగ్ విడుదలైంది. సిద్ శ్రీరామ్ పాడిన ఈ పాట అలరిస్తుంది. ఈ గీతంలో సినిమాలోని ప్రధాన పాత్రధారులైన నాగార్జున, నాగచైతన్య, రమ్యకృష్ణ, కృతిశెట్టి కనిపించారు.
- " class="align-text-top noRightClick twitterSection" data="">
'సోగ్గాడే చిన్ని నాయన' సినిమాకు ప్రీక్వెల్గా తెరకెక్కుతున్న ఈ సినిమాకు అనూప్ రూబెన్స్ సంగీతమందించారు. కల్యాణ్కృష్ణ దర్శకత్వం వహించగా, నాగార్జున అన్నపూర్ణ స్టూడియోస్ బ్యానర్పై నిర్మించారు.
* 'గమనం' సినిమ సెన్సార్ పూర్తయింది. క్లీన్ యూ సర్టిఫికెట్ను ఈ సినిమా సొంతం చేసుకుంది. డిసెంబరు 10న థియేటర్లలోకి రానుంది. ఇందులో శ్రియ, నిత్యామేనన్, సుహాస్, ప్రియాంక జవాల్కర్, శివ కందుకూరి తదితరులు ప్రధాన పాత్రలు పోషించారు. ఇళయరాజా సంగీతమందించారు. సుజనా రావ్ దర్శకత్వం వహించారు.
*కన్నడ స్టార్ సుదీప్ హీరోగా నటించిన 'విక్రాంత్ రోణ' నుంచి కొత్త అప్డేట్ వచ్చింది. సినిమా రిలీజ్ డేట్ను డిసెంబరు 7న ఉదయం 11:05 గంటలకు వెల్లడిస్తామని చెప్పారు.
పాన్ ఇండియా స్థాయిలో త్రీడీలో తెరకెక్కుతున్న ఈ సినిమాలో నీతా అశోక్, జాక్వెలిన్, శ్రద్ధా శ్రీనాథ్ ఇతర ప్రధాన పాత్రల్లో నటించారు. అనూప్ భండారి డైరెక్టర్.
