ప్రఖ్యాత 'టైమ్' మ్యాగ్జైన్ రూపొందించిన 100 మంది ప్రభావవంతమైన వ్యక్తుల జాబితాలో బాలీవుడ్ యువహీరో ఆయుష్మాన్ ఖురానా చోటు దక్కించుకున్నారు. 2018లో ఈ మ్యాగజైన్కు ఎంపికైన దీపికా పదుకొణె.. దీనికోసం ఆయుష్మాన్ ఖురానా ప్రొఫైల్ రాసింది.
- " class="align-text-top noRightClick twitterSection" data="
">
"ఆయుష్మాన్ ఖురానా.. తన తొలి చిత్రం నుంచి నటుడిగా మంచి గుర్తింపు పొందారు. అంతకు ముందూ చిత్రపరిశ్రమలోనే ఉన్నాడు. అయితే ఈ రోజు అతడి గురించి మాట్లాడటానికి కారణం.. తన చిత్రాల్లో ఆయుష్మాన్ పోషించిన పాత్రల ప్రభావమే. సాధారణంగా హీరోల చిత్రాల్లో తెరపై కనిపించే పురుషత్వ మూసవిధానం నుంచి బయటకు వచ్చి, సవాలుతో ఉన్న పాత్రలను ఎంచుకుంటున్నారు. కళలను బతికించుకోవాలని తపనతో ఉండే వారిలో ఆయుష్మాన్ ఒకరు"
- దీపికా పదుకొణె, బాలీవుడ్ నటి
ప్రపంచంలోని అత్యంత ప్రభావవంతమైన 100 మంది వ్యక్తుల జాబితాను ఏటా ప్రచురిస్తుంది టైమ్ మ్యాగ్జైన్. వారి చేసే పనులతో సంబంధం లేకుండా సమాజంపై ప్రభావం చూపిన వ్యక్తుల పేర్లను ఈ జాబితాలో పొందుపరుస్తుంది.
ఈ జాబితాలో ఆయుష్మాన్తో పాటు ఐదుగురు భారతీయులు చోటు దక్కించుకున్నారు. ప్రధానమంత్రి నరేంద్ర మోదీ, గూగుల్ సీఈఏ సుందర్ పిచాయ్, లండన్కు చెందిన భారత సంతతి డాక్టర్ రవీంద్ర గుప్తా, షాహిన్ బాగ్కు చెందిన బిల్కిస్-డాడీలు ఉన్నారు.
