'అత్తారింటికి దారేది' సినిమాతో అత్త పాత్రలకు ప్రాముఖ్యం పెంచిన దర్శకుడు త్రివిక్రమ్‌ శ్రీనివాస్‌. ఆ తర్వాత నితిన్, సమంత జోడీగా నటించిన 'అఆ' సినిమాలోనూ అత్త పాత్రే కీలకంగా నిలిచింది. ప్రస్తుతం అల్లు అర్జున్‌తో తీస్తోన్న 'అల.. వైకుంఠపురములో' అలాంటి క్యారెక్టర్‌ ఒకటుంది. ఇందులో బన్నీకి అత్తగా కనిపించబోతోంది సీనియర్‌ నటి టబు. ఆమెకు జంటగా ప్రముఖ తమిళ నటుడు జయరామ్ నటిస్తున్నాడు. తాజాగా వీరిద్దరూ కలిసి ఉన్న ఓ ఫొటో సామాజిక మాధ్యమాల్లో వైరల్గా మారింది. బన్నీ అత్తమామలు వీళ్లేనంటూ అభిమానులు తెగ కామెంట్లు పెడుతున్నారు.
టబు-జయరామ్ మధ్య వచ్చే సన్నివేశాలు సినిమాలో కీలకంగా ఉండనున్నాయట. ఇందుకోసమే హైదరాబాద్‌లో సుమారు రూ. 4 కోట్ల భారీ సెట్‌ రూపొందించినట్లు సమాచారం. ఇవి సినిమాకే హైలెట్‌గా నిలుస్తాయట. గీతా ఆర్ట్స్, సితార ఎంటర్‌టైన్‌మెంట్స్‌ సంయుక్తంగా నిర్మిస్తున్న ఈ చిత్రంలో... పూజా హెగ్డే, నివేదా పేతురాజ్, సుశాంత్, నవదీప్‌ ప్రధాన తారాగణం. శరవేగంగా షూటింగ్‌ పూర్తిచేసి 2020 సంక్రాంతి కానుకగా సినిమాను విడుదల చేసేందుకు సన్నాహాలు చేస్తోంది చిత్రబృందం.
- " class="align-text-top noRightClick twitterSection" data="">
