స్టైలిష్ స్టార్ అల్లు అర్జున్ 'అల వైకుంఠపురములో' సినిమాతో ఈ సంక్రాంతికి ప్రేక్షకుల ముందుకొచ్చాడు. విశేష ప్రజాదరణ దక్కించుకుంటోందీ చిత్రం. రెండు వారాలు అవుతున్న వసూళ్ల రాబడుతూనే ఉంది. యూఎస్లో తాజాగా మరో రికార్డు సృష్టించింది. అక్కడి కలెక్షన్లలో మహేశ్ 'భరత్ అనే నేను'ను అధిగమించి, అత్యధిక వసూళ్లు సాధించిన సినిమాల జాబితాలో నాలుగో స్థానం సంపాదించింది. 'బాహుబలి 2', 'బాహుబలి', 'రంగస్థలం'.. తొలి మూడు స్థానాల్లో ఉన్నాయి.
నిన్న(ఆదివారం) ఒక్క రోజే 'అలవైకుంఠపురములో'.. యూఎస్లో 88 ప్రాంతాల్లో 52,008 డాలర్లు తెచ్చుకుంది. మొత్తంగా 3,420,402 డాలర్ల కలెక్షను సాధించింది. అంతకు ముందు నాలుగో స్థానంలో ఉన్న 'భరత్ అనే నేను' చిత్రాన్ని అధిగమించింది.
యూఎస్లో 'అల వైకుంఠపురములో' సినిమా, ఈ వారంలోనే రంగస్థలం వసూళ్లు(3.5 మిలియన్ డాలర్లు) దాటే అవకాశముంది. ఇది జరిగితే టాప్ గ్రాసర్స్లో మూడో స్థానానికి వెళుతుంది బన్నీ చిత్రం.
ఇదీ చదవండి: యముడు వస్తాడనేది నమ్మకం .... వీడొస్తాడనేది నిజం!
