కమల్​తో 'బంధం'పై పెదవి విప్పిన నటి పూజా

విలక్షణ నటుడు కమల్​ హాసన్​తో తనకున్న బంధంపై నటి పూజా కుమార్ స్పందించింది​. ఆయన తనకు మంచి స్నేహితుడని తెలిపింది.

ప్రముఖ కథానాయకుడు కమల్​హాసన్​తో నటి పూజా కుమార్ కొన్నాళ్లుగా సహజీవనం చేస్తున్నారంటూ వార్తలు వస్తున్నాయి. తాజాగా ఈ విషయమై స్పందించిన భామ.. వాటిని కొట్టిపారేసింది. అవి వదంతులు మాత్రమేనని తేల్చింది. తామిద్దరూ మంచి స్నేహితులమని స్పష్టం చేసింది. ఆయన కుటుంబంతో తనకు మంచి అనుబంధం ఉందని తెలిపింది.

అమెరికాలో స్థిరపడిన భారత సంతతి మహిళ పూజా కుమార్​.. పలు దక్షిణాది చిత్రాల్లో నటించింది. కమల్​ సరసన 'విశ్వరూపం1, 2', 'ఉత్తమ విలన్'​తో పాటు టాలీవుడ్​లో రాజశేఖర్​ నటించిన 'గరుడ వేగ'లోనూ హీరోయిన్​గా కనిపించింది.

ఇదీ చూడండి... నిర్మాత కరణ్​ జోహార్​ ఇంట్లోని వ్యక్తులకు కరోనా