'ఆర్ఆర్ఆర్' సినిమాలోని 'నాటు నాటు' సాంగ్లో రామ్చరణ్, ఎన్టీఆర్ చేసిన డ్యాన్స్ అభిమానుల్ని విపరీతంగా ఆకట్టుకుంది. చాలా మంది రీల్స్ చేసి సోషల్మీడియాలో షేర్ చేస్తున్నారు. దీంతో ఈ సాంగ్కు డ్యాన్స్ చేయాలనుకునేవారి కోసం కొరియోగ్రాఫర్ ప్రేమ రక్షిత్ ఓ వీడియోను పోస్ట్ చేశారు. ఈ వీడియోతో నాటు నాటు స్టెప్పులు ప్రాక్టీస్ చేయొచ్చు. 'నాటు నాటు' పాటకు ప్రేమరక్షిత్ కొరియోగ్రాఫీ చేయగా, కీరవాణి సంగీతమందించారు. రాజమౌళి ఈ సినిమాకు దర్శకత్వం వహించారు. ఇక ఈ మూవీలో చరణ్.. అల్లూరి సీతారామరాజుగా, ఎన్టీఆర్.. కొమరం భీమ్గా కనిపించనున్నారు. వచ్చే ఏడాది సంక్రాంతి కానుకగా జనవరి 7న ప్రపంచవ్యాప్తంగా థియేటర్లలోకి రానుందీ సినిమా.
- " class="align-text-top noRightClick twitterSection" data="">
అర్జున ఫల్గుణ పాట రిలీజ్..
శ్రీవిష్ణు కథానాయకుడిగా తెరకెక్కుతున్న చిత్రం ‘అర్జున ఫల్గుణ’. అమృతా అయ్యర్‌ నాయిక. తేజ మర్ని దర్శకత్వం వహిస్తున్నారు. నిరంజన్‌రెడ్డి, అన్వేష్‌రెడ్డి నిర్మిస్తున్నారు. ఈ చిత్రంలోని ‘కాపాడేవా రాపాడేవా’ అంటూ సాగే పాటని బుధవారం విడుదల చేశారు. ఈ పాటకు చైతన్య ప్రసాద్‌ సాహిత్యం అందించగా ప్రియదర్శన్‌ బాలసుబ్రహ్మణ్యన్‌ స్వరాలు సమకూర్చారు. మోహన భోగరాజు ఆలపించారు. కథానాయకుడి పాత్రకు ప్రతికూల పరిస్థితులు ఎదురైన సమయంలో వచ్చే గీతమనిపిస్తోంది. సమస్యలకు తలవంచకుండా అనుకున్నది సాధించాలనే స్ఫూర్తినిస్తోంది. త్వరలోనే చిత్రాన్ని ప్రేక్షకుల ముందుకు తీసుకొచ్చేందుకు దర్శకనిర్మాతలు సన్నాహాలు చేస్తున్నారు. ఇప్పటికే విడుదలైన ‘గోదారోళ్లే’ సాంగ్, టీజర్‌కు విశేష స్పందన లభించింది. నరేష్‌, శివాజీరాజా, సుబ్బరాజు, దేవీప్రసాద్‌, రంగస్థలం మహేష్‌, రాజ్కుమార్ చౌదరి, చైతన్య తదితరులు ఈ చిత్రంలో నటిస్తున్నారు.
- " class="align-text-top noRightClick twitterSection" data="">
పునీత్ ఇంటికి విశాల్..
గుండెపోటుతో ఇటీవలే మరణించిన కన్నడ స్టార్ పునీత్ రాజ్కుమార్ ఇంటికి హీరో విశాల్ వెళ్లారు. ఆయన కుటుంబసభ్యులను పరామర్శించారు. పునీత్ చిత్రపటానికి నివాళులు అర్పించారు.
ఇదీ చూడండి: 'ఆయనెప్పుడూ జీవించే ఉంటారు'.. పునీత్ భార్య భావోద్వేగపు లేఖ
