యువకథానాయకుడు ఆది సాయికుమార్, దర్శనా బానిక్ జంటగా ఓ చిత్రం తెరకెక్కుతోంది. జి.బి.కృష్ణ దర్శకత్వం వహిస్తుండగా.. మహంకాళి దివాకర్‌ నిర్మిస్తున్నారు. దీనికి 'బ్లాక్' అనే టైటిల్ను ఖరారు చేసినట్లు శనివారం చిత్ర బృందం ప్రకటించింది. దీంతో పాటు ఆది లుక్, కొన్ని వర్కింగ్ స్టిల్స్ను విడుదల చేసింది.
ఈ సందర్భంగా నిర్మాత మాట్లాడుతూ.. "ఆది గత చిత్రాలకు భిన్నమైన పాత్రను ఇందులో పోషిస్తున్నారు. పోలీస్‌గా ఆయన పాత్ర ఎంతో కొత్తగా అనిపిస్తుంది. ఇది ఆయన కెరీర్‌లో ఓ మైలురాయిగా నిలుస్తుంది. భారీ సాంకేతిక విలువలతో నిర్మిస్తున్న ఈ చిత్రం ఇప్పటికే 70 శాతం చిత్రీకరణను పూర్తి చేసుకుంద"న్నారు.
ఇదీ చూడండి... తొలిసారి తెలంగాణ యాస పలకబోతున్న నాని!
