బాలీవుడ్ స్టార్ హీరో షారుఖ్ ఖాన్, కాజోల్ జంటగా నటించిన చిత్రం 'దిల్వాలే దుల్హానియా లే జాయాంగే'. ఈ చిత్రం విడుదలై మంగళవారంతో 25 వసంతాలు పూర్తివనున్నాయి. ఈ సందర్భంగా షారుఖ్, కాజోల్ కాంస్య విగ్రహాన్ని లండన్లో ఆవిష్కరించనున్నారు. ఈ విగ్రహాన్ని లీసెస్టర్ స్క్వేర్లో ప్రదర్శించనున్నారు.
"హిందీలో విడుదలై అత్యంత విజయవంతమైన చిత్రాల్లో 'దిల్వాలే దుల్హానియా లే జాయేంగే' ఆల్టైమ్ ఫేవరేట్గా నిలిచింది. ప్రపంచవ్యాప్తంగా ప్రజాదరణ పొందిన ఈ బాలీవుడ్ చిత్రానికి ప్రతీకగా విగ్రహాన్ని ఆవిష్కరించనున్నాం."
- మార్క్ విలియమ్స్, హార్ట్ ఆఫ్ లండన్ బిజినెస్ మార్కెటింగ్ డైరెక్టర్
'దిల్వాలే దుల్హానియా లే జాయేంగే' చిత్రానికి ఆదిత్యా చోప్రా దర్శకత్వం వహించారు. 1995 అక్టోబరు 20న విడుదలైంది. ఈ చిత్రంలో షారుఖ్ ఖాన్, కాజోల్తో పాటు అమ్రిష్ పురి, అనుపమ్ ఖేర్, ఫరీదా జలాల్, హిమాని శివ్పురి, సతీశ్ షా, మహింద్రా బేడి, పర్మీత్ సేథి, అచ్చల సచ్దేవ్, కరన్ జోహర్, అనైతా ష్రాఫ్, అర్జున్ షాబ్లోక్లు కీలకపాత్రల్లో నటించారు. ఈ చిత్రానికి 43వ జాతీయ సినీ పురస్కారాల్లో అత్యంత ప్రజాదరణ పొందిన సినిమాగా అవార్డు లభించింది.
