ఇంటర్నెట్ వాడకం విపరీతంగా పెరిగిన ఈ రోజుల్లో డేటా స్పీడ్కు కూడా ప్రాధాన్యం ఏర్పడింది. ప్రపంచంలోనే అత్యంత వేగవంతమైన అంతర్జాల సేవల్ని అందిస్తున్న టాప్ 10 దేశాలేంటో ఇప్పుడు చూద్దాం. ఈ జాబితాలో అమెరికా, బ్రిటన్ వంటి అగ్ర దేశాలు లేకపోవడం గమనార్హం.
10. హంగేరీ..
ఈ దేశంలో 99.74 ఎంబీపీఎస్ వేగంతో ఇంటర్నెట్ సేవల్ని అందిస్తున్నారు. ఈ స్పీడ్తో హాలీవుడ్ యాక్షన్ ఫిల్మ్ 'డేస్ ఆఫ్ థండర్'ను కేవలం 43 సెకన్లలో డౌన్లోడ్ చేసుకోవచ్చు.
9. మొనాకో
ఇక్కడ సెకనుకు 104.98ఎంబీల వేగంతో ఇంటర్నెట్ అందుబాటులో ఉంది. ఈ స్పీడ్తో 'ది సిమ్స్' వీడియో గేమ్ సిరీస్ను 142 సెకన్లలోనే డౌన్లోడ్ చేయొచ్చు.
8. హాంగ్కాంగ్
హాంగ్కాంగ్లో ఇంటర్నెట్ స్పీడ్ సెకనుకు 105.32 ఎంబీలు. ఈ వేగంతో బ్యారీ వైట్స్ గ్రేటెస్ట్ హిట్స్ ఆల్బమ్ను 0.38 సెకన్లోనే డౌన్లోడ్ చేసుకోవచ్చు.
7. స్విట్జర్లాండ్
స్విట్జర్లాండ్లో 110.45 ఎంబీపీఎస్ వేగంతో ఇంటర్నెట్ సౌకర్యం ఉంది. ఈ స్పీడ్తో టాప్ గన్ మూవీ డౌన్లోడ్ 41 సెకన్లలోనే పూర్తవుతుంది.
6. ఐస్లాండ్
ఐస్లాండ్లో 116.88 వేగంతో ఇంటర్నెట్ సేవలు అందిస్తున్నారు. ఈ స్పీడ్తో హ్యారీ పోటర్ పుస్తకాలన్నింటినీ 12 సెకన్లలోనే డౌన్లోడ్ చేసుకోవచ్చు.
5. లక్సంబర్గ్..
ఈ అతిచిన్న ఐరోపా దేశంలో ఇంటర్నెట్ స్పీడ్ 118.05 ఎంబీపీఎస్. ఈ వేగంతో ఫాస్ట్ అండ్ ఫ్యూరియస్ అన్ని సిరీస్లను 154 సెకన్లలో డౌన్లోడ్ చేయొచ్చు.
4. జిబ్రాల్టర్
ఇక్కడ 183.09 ఎంబీపీఎస్ వేగంతో అంతర్జాల సేవలు అందుబాటులో ఉన్నాయి. ఈ స్పీడ్తో కియాను రీవ్స్ నటించిన స్పీడ్ యాక్షన్ మూవీని 26 సెకన్లలోనే డౌన్లోడ్ చేసుకోవచ్చు.
3. అండోరా
ఈ ఐరోపా దేశంలో ఇంటర్నెట్ వేగం 213.41 ఎంబీపీఎస్. ఈ హై స్పీడ్తో లార్డ్ ఆఫ్ రింగ్స్ సిరీస్ను 4కే క్వాలిటీతో 130 సెకన్లలోనే డౌన్లౌడ్ చేసేయొచ్చు.
2. జెర్సీ
ఇంటర్నెట్ వేగంలో ప్రపంచంలోనే రెండో స్థానంలో ఈ దేశంలో సెకనుకు 218.37 ఎంబీపీఎస్ స్పీడ్తో ది జేర్సీ బాయ్ మూవీని 10.4 సెకన్లలో డౌన్లోడ్ చేసుకోవచ్చు.
1. లిక్టేంస్టెయిన్
ప్రపంచంలోనే హై స్పీడ్ ఇంటర్నెట్ గల ఈ దేశంలో ఎస్ క్లబ్ సెవెన్ గ్రేటెస్ట్ హిట్స్ ఆల్బబ్ను 229.98 ఎంబీపీఎస్ వేగంతో 0.05 సెకన్లలో డౌన్లోడ్ చేయొచ్చు.
డేటా ధరలు తక్కువగా ఉన్న దేశాలు
ఇంటర్నెట్ వేగంలో పైన చెప్పిన దేశాలు టాప్లో ఉండగా.. అత్యంత చౌకగా డేటా ధరలు ఉన్న దేశాల్లో మాత్రం భారత్ అగ్రస్థానంలో నిలిచింది. ఒకప్పుడు ఒక్క జీబీ డేటాకు రూ.100వరకు ఖర్చు చేయాల్సిన పరిస్థితిలో ఉన్న మన దేశంలో జియో రాకతో విప్లవాత్మక మార్పు వచ్చింది. డేటా ధరలు అందరికీ అందుబాటులో ఉన్నాయి.
| దేశం | 1 జీబీ డేటా ధర | |
| 1 | భారత్ | 0.09 డాలర్లు |
| 2 | ఇజ్రాయెల్ | 0.11 డాలర్లు |
| 3 | కిర్జిస్థాన్ | 0.21 డాలర్లు |
| 4 | ఇటలీ | 0.43 డాలర్లు |
| 5 | ఉక్రెయిన్ | 0.46 డాలర్లు |
డేటా ధరలు ఎక్కువగా ఉన్న దేశాలు
| దేశం | 1 జీబీ డేటా ధర | |
| 1 | మలావి | 27.41 డాలర్లు |
| 2 | బెనిన్ | 27.22 డాలర్లు |
| 3 | చాడ్ | 23.33 డాలర్లు |
| 4 | యెమెన్ | 15.98 డాలర్లు |
| 5 | బోట్స్వానా | 13.87 డాలర్లు |
