వరుస అప్డేట్స్తో జోరు మీదున్న సామాజిక మాధ్యమ దిగ్గజం ఫేస్బుక్.. మరో అదిరిపోయే ఫీచర్ను వినియోగదారుల ముందుకు తీసుకురానున్నట్టు ప్రకటించింది. 'వాచ్ టుగెథర్' పేరుతో ఎఫ్బీ మెసెంజర్ యాప్లో ఈ ఫీచర్ను అందుబాటులోకి తెచ్చేందుకు ప్రణాళికలు రచిస్తోంది. కలిసి వీడియోలు చూసే వీలు కల్పించే ఈ ఫీచర్తో.. మీరు మీ స్నేహితులు, కుటుంబసభ్యులకు ఎంత దూరంలో ఉన్నా.. దగ్గరగా ఉన్న అనుభూతి పొందుతారని చెబుతోంది ఫేస్బుక్.
"స్నేహితులు, ఇష్టమైన వారితో దగ్గరగా ఉండేందుకు ఈ 'వాచ్ టుగెథర్'ను రూపొందించాం. అందరు కలిసే ఉన్న అనుభూతి దీని ద్వారా కలుగుతుంది. ట్రెండింగ్లో ఉన్న వీడియోలు, సినిమాలు, క్రీడా కార్యక్రమాలు.. ఇలా ఏదైనా సరే.. మీరు మీ స్నేహితులతో కలిసి చూడగలరు. అదే సమయంలో వారి రియాక్షన్ తెలుసుకోగలరు."
--- ఫేస్బుక్.
మెసెంజర్లో రోజుకు 150 మిలియన్లకుపైగా వీడియో కాల్స్ జరుగుతున్నట్టు.. 200మిలియన్ల వీడియోలు ఇచ్చిపుచ్చుకుంటున్నట్టు ఫేస్బుక్ తెలిపింది. ఈ ఫీచర్ ద్వారా మీకు ఇష్టమైన వాళ్లతో మరింత దగ్గరగా ఉండొచ్చని పేర్కొంది.
మెసెంజర్ రూమ్ను రూపొందించి.. లేదా మెసెంజర్ ద్వారా వీడియో కాల్ చేసిన అనంతరం ఈ సరికొత్త ఫీచర్ను వినియోగించుకోవచ్చని ఎఫ్బీ తెలిపింది. పైకి స్వైప్ చేస్తే మెనూ వస్తుందని.. అందులో వాచ్ టుగెథర్ ఆప్షన్ ఉంటుందని స్పష్టం చేసింది. ఇందులో 'టీవీ ఆండ్ మూవీస్','వాచ్డ్', 'అప్లోడెడ్' వంటి ఆప్షన్లు ఉంటాయని.. తమకు నచ్చిన కేటగిరీలను ఎంపిక చేసుకోవచ్చని వివరించింది.
అయితే ఈ వాచ్ టుగెథర్ ఫీచర్ను ఒకేసారి... వీడియో కాల్లో అయితే 8మంది, మెసెంజర్ రూమ్లో అయితే 50మంది వాడుకోవచ్చని ఎఫ్బీ వెల్లడించింది. ఐఓఎస్, ఆండ్రాయిడ్ ఫోన్లలో ఇది ఈ వారంలో అందుబాటులోకి వస్తుందని స్పష్టం చేసింది.
ఇవీ చూడండి:-
