మొబైల్ వినియోగదారులను తనవైపు ఆకర్శించడానికి నోకియా సంస్థ రకరకాల ప్రయత్నాలు చేస్తోంది. దీనిలో భాగంగా గత కొద్దిరోజులుగా అతి తక్కువ ధరలో పాటుగా గుడ్ క్వాలిటీ, అదిరేటి ఫీచర్లున్న 5జీ ఫోన్లను మార్కెట్లో విడుదల చేస్తోంది. ఇటీవలే 'నోకియా సీ12' పేరుతో ఓ బడ్జెట్ ఫోన్ను భారత్ మార్కెట్లో విడుదల చేయనున్నట్లు నోకియా మాతృసంస్థ హెచ్ఎండీ వెల్లడించింది. కేవలం రూ.5,999 ధరతో మార్చి 17 నుంచి అమెజాన్లో అందుబాటులోకి తీసుకువస్తునట్లు తెలిపింది. దీంతో పాటుగా 'నోకియా జీ400' 5జీ ఫోన్ను కూడా భారతీయ మార్కెట్లో లాంచ్ చేయనున్నట్లు ప్రకటించింది హెచ్ఎండీ కంపెనీ. మరి వీటిలో ఉన్న ఫీచర్లేంటో తెలుసుకుందామా.
కేవలం రూ.5,999 ధరకే నోకియా సీ12 బడ్జెట్ స్మార్ట్ ఫోన్ను తీసుకొస్తోంది నోకియా. ఇది ఎంట్రీలెవెల్ స్మార్ట్ ఫోన్. ఈ స్మార్ట్ ఫోన్ ఆండ్రాయిడ్ 12 గో ఎడిషన్ ఆపరేటింగ్ సిస్టమ్‌తో పనిచేస్తుంది. ఇందులో హెచ్డీ ప్లస్ డిస్ప్లే, భారీ బ్యాటరీ లాంటి మరెన్నో ప్రత్యేకతలు ఉన్నాయి. విశేషం ఏంటంటే.. ఈ ఫోన్కు సంవత్సరం పాటు రీప్లేస్‌మెంట్ గ్యారెంటీ కూడా అందిస్తుంది. ఇప్పటికే నోకియా కంపెనీ రూ.5,499 ధరలో 'నోకియా సీ01' పేరుతో ఓ బడ్జెట్ ఫోన్ను వినియోగదారులకు అందుబాటులోకి తెచ్చింది. ఇప్పుడు దానికంటే కొంచెం ఎక్కువ ధరలో నోకియా సీ12 రిలీజ్ చేయడం విశేషం. మరి ఈ స్మార్ట్ ఫోన్ ప్రత్యేకతలు, స్పెసిఫికేషన్స్ తెలుసుకోండి.
నోకియా సీ12 గో ఫీచర్లు, ప్రత్యేకతలు
- 6.53 అంగుళాల హెచ్డీ+ డిస్ప్లే, 60Hz రిఫ్రెష్ రేట్‌
- ఆండ్రాయిడ్ 12 ఆపరేటింగ్ సిస్టమ్
- 8 ఎంపీ బ్యాక్ కెమెరా
- 5 ఎంపీ ప్రంట్ కెమెరా
- 2/64 జీబీల మెమరీ స్టోరేజ్
- 3,000mAh సామర్థ్యం గల బ్యాటరీ
- 5 వాట్స్ ఫాస్ట్ ఛార్జింగ్
వీటిలో పాటుగా ఈ ఫోన్లో మరికొన్ని ఫీచర్లు ఉన్నాయి. దీని వెనుక భాగం మెటాలిక్ ఫినిషింగ్తో 3డీ డిజైన్లో తయారుచేశారు. ఈ నోకియా సీ12 ఫోన్లో ఫేస్ అన్లాక్ సపోర్ట్, పోర్ట్రెయిట్ మోడ్, నైట్ మోడ్ వంటి ఫీచర్లు ఉన్నాయి. ఇందులో ఉండే బ్యాటరీ కూడా మంచి పనితీరు కనబరుస్తుందని కంపెనీ తెలిపింది. దీనిలో ఇన్‌‌బిల్ట్ 2జీబీ ర్యామ్ ఉండగా.. అదనంగా మరో 2జీబీ ర్యామ్ పెంచుకోవచ్చు. మొత్తం 4జీబీ ర్యామ్ ఉన్న ఫోన్గా దీన్ని వినియోగించుకోవచ్చు. మెమరీ కార్ట్ స్టోరేజీని కూడా 256 జీబీ వరకు పెంచుకునే అవకాశం ఉంది.
నోకియా జీ400 5జీ ఫోన్ ఫీచర్లు
- 6.58 అంగుళాల డిస్ప్లే, 120Hz రిఫ్రెష్ రేట్‌
- ఆండ్రాయిడ్ 12 ఆపరేటింగ్ సిస్టమ్, సీపీయు క్వాల్కామ్ స్నాప్డ్రాగన్ 480+
- 48+5+2 ఎంపీల ట్రిపుల్ బ్యాక్ కెమెరా
- 16 ఎంపీ ఫ్రంట్ కెమెరా
- 4/64 జీబీ మెమరీ స్టోరేజ్, స్టోరేజ్ను 1టీబీ వరకు పెంచుకోవచ్చు
- 5,000mAh సామర్థ్యం గల బ్యాటరీ
- 20 వాట్స్ ఫాస్ట్ ఛార్జింగ్
ఈ ఫోన్ మార్చి 20న భారతీయ మార్కెట్లో అందుబాటులోకి రానుంది. ఒకే ఒక కలర్లో మాత్రమే విడుదల చేయనున్న ఫోన్ ధరను రూ. 19,990 గా హెచ్ఎండీ సంస్థ నిర్ధరించింది. ఈ నోకియా జీ400 5జీ ఫోన్లో ఫింగర్ ప్రింట్ సెన్సార్ కూడా ఉంది. ఇందులో ఉన్న బ్యాటరీ రెండు రోజులు లాంగ్ లైఫ్ను అందిస్తుంది.
