ప్రముఖ సామాజిక మాధ్యమాలైన వాట్సాప్, ఇన్స్టా, ఫేస్బుక్ సేవలు మరోసారి నిలిచిపోయాయి. ఇలా జరగడం వారంలో ఇది రెండోసారి. సాంకేతిక కారణాలతో సేవలకు అంతరాయం కలిగినందువల్ల.. కొంత సమయం పాటు వినియోగదారులు ఇబ్బంది పడ్డారు.
ఈ హఠాత్‌ పరిణామంపై ఇన్స్టాగ్రామ్ వివరణ ఇచ్చింది. సాంకేతిక కారణాలతో సేవలు నిలిచిపోయాయని, పునరుద్ధరణ చర్యలు చేపట్టనున్నట్లు ప్రకటించింది. అంతరాయంపై క్షమాపణలు చెప్పింది.
ఇలానే సోమవారం రాత్రి 9 గంటల తర్వాత.. వాట్సాప్, ఫేస్బుక్, ఇన్స్టాగ్రామ్ సేవలు ఒక్కసారిగా నిలిచిపోయాయి. సాంకేతిక కారణాలతో సేవలకు అంతరాయం కలిగినందువల్ల.. కొన్ని గంటల పాటు వినియోగదారులు ఇబ్బంది పడ్డారు. దాదాపు 7 గంటల తర్వాత వాట్సాప్ సేవలు పునరుద్ధరించారు.
