Bread Chaat and Manchurian Making Process: బ్రెడ్.. చాలా మంది ఇళ్లల్లో నిత్యం ఉంటుంది. చాలా మంది దీనిని పాలతో కలిపి బ్రేక్ఫాస్ట్లాగా తీసుకుంటారు. ఇంకా బ్రెడ్తో వెరైటీలు ఏం చేసుకోవచ్చు అంటే.. డబల్ కా మీఠా గుర్తుకు వస్తుంది. అయితే కేవలం స్వీట్ మాత్రమే కాదు.. బ్రెడ్తో స్పైసీ వంటలు కూడా చేసుకోవచ్చు. వీటిని చిన్న పిల్లల నుంచి పెద్దల వరకు ఎంతో ఇష్టంగా తింటారు. ఇంతకీ ఆ రెసిపీలు ఏంటి..? వాటికి కావాల్సిన పదార్థాలు, తయారీ విధానం ఈ స్టోరీలో చూద్దాం..
బ్రెడ్ చాట్: చాట్ అనగానే.. బఠానీ, శనగలతో చేసినదే గుర్తుకు వస్తుంది. కానీ బ్రెడ్తో కూడా చాట్ రెడీ చేసుకోవచ్చు. టేస్ట్ కూడా అదిరిపోతుంది. చేయడం కూడా వెరీ ఈజీ. మరి ఇంకెందుకు లేట్.. ఎలా చేయాలో చూద్దాం పదండి..
చికెన్ రెగ్యులర్గా వండేస్తున్నారా? - ఈ సండే ఇలా చేయండి - కమ్మగా, కారంగా!
కావాల్సిన పదార్థాలు:
- బ్రెడ్‌స్లైసులు: నాలుగు
- వెన్న: రెండు చెంచాలు
- ఉడికించిన బంగాళాదుంప ముక్కలు: పావుకప్పు
- ఉల్లిపాయ ముక్కలు: పావుకప్పు
- టమాట ముక్కలు: పావుకప్పు
- పచ్చిమిర్చి: ఒకటి
- గిలకొట్టిన పెరుగు: అరకప్పు
- సన్నని కారప్పూస: పావుకప్పు
- గ్రీన్‌ చట్నీ: ఒకటిన్నర చెంచా
- స్వీట్ చట్నీ: ఒకటిన్నర చెంచా
- నల్ల ఉప్పు: పావుచెంచా
- ఉప్పు: తగినంత
- వేయించిన జీలకర్రపొడి: అరచెంచా
- చాట్‌మసాలా: 1 స్పూన్
- కారం: పావుచెంచా
కార్తిక మాసం ముగిసిపోయింది - ఈ సండే మీ ఇంట్లో ఏం కూర - ఈ నాన్వెజ్ ట్రై చేస్తారా!
తయారుచేసే విధానం:
- బ్రెడ్‌స్లైసుల అంచుల్ని తొలగించి మీడియం సైజ్ ముక్కలుగా కట్ చేసుకోవాలి.
- పొయ్యి మీద బాణలి పెట్టి వెన్న, అరచెంచా చాట్‌మసాలా వేయాలి. ఇందులో బ్రెడ్‌ముక్కల్ని వేసి కరకరలాడేలా వేయించుకుని తీసుకోవాలి.
- వీటిపైన నల్ల ఉప్పు, కారం, జీలకర్రపొడి, మిగిలిన చాట్‌మసాలా వేసి బాగా కలపాలి.
- తరువాత పచ్చిమిర్చి ముక్కలు, ఉడికించిన బంగాళాదుంప ముక్కలు, ఉల్లిపాయ, టొమాటో ముక్కలూ వేసి కలపాలి.
- వడ్డించేముందు పెరుగు, గ్రీన్‌, స్వీట్ చట్నీలు, సన్నకారప్పూస వేస్తే చాలు.
- బ్రెడ్‌ముక్కలు కరకరలాడేలా ఉంటేనే చాట్ రుచిగా ఉంటుంది.
బ్రెడ్ మంచూరియా: మంచూరియా అంటే వెజ్, చికెన్, ఫ్రాన్స్, ఎగ్ మంచూరియా గుర్తుకువస్తుంది. ఎప్పుడూ అవే కాకుండా ఈసారి బ్రెడ్తో ట్రై చేసుకోండి. మరి ఆ ప్రాసెస్ ఏంటంటే..
రెస్టారెంట్ స్టైల్లో చికెన్ 65 - ఇలా చేశారంటే వావ్ అనాల్సిందే!
కావాల్సినవి:
- బ్రౌన్‌ బ్రెడ్ పొడి- అరకప్పు
- క్యారెట్‌ తురుము- అర కప్పు
- సన్నగా తరిగిన క్యాబేజీ- కప్పు
- మిరియాల పొడి-అర చెంచా
- అల్లంవెల్లుల్లి ముద్ద- అర చెంచా
- మొక్కజొన్న పిండి- పావు కప్పు
- ఉప్పు- తగినంత
- నూనె- వేయించడానికి సరిపడా
- సన్నగా తరిగిన వెల్లుల్లి రెబ్బలు- మూడు
- పచ్చిమిర్చి- ఒకటి (నిలువుగా చీల్చినవి)
- ఉల్లికాడల తరుగు- నాలుగు పెద్ద చెంచాలు
- టమాట సాస్‌- రెండు పెద్ద చెంచాలు,
- క్యాప్సికమ్‌ ముక్కలు- పావు కిలో
- చిల్లీసాస్‌- 1 స్పూన్
- మొక్కజొన్న పిండి- చెంచా,
- వెనిగర్‌- 1 స్పూన్
- సోయాసాస్‌- పెద్ద చెంచా
- మిరియాలు- పావు చెంచా
- ఉప్పు- తగినంత.
How to Prepare Hyderabadi Chicken Dum Biryani : సండే ధమాకా.. హైదరాబాదీ బిర్యానీ.. ట్రై చేయండిలా..!
తయారీ:
- ఓ పెద్ద గిన్నెలో బ్రెడ్ పొడి, క్యాబేజీ, క్యారెట్‌ తురుము, మిరియాల పొడి, అల్లంవెల్లుల్లి ముద్ద, మొక్కజొన్న పిండి, ఉప్పు, నీళ్లు వేసి బాగా కలపాలి.
- దీన్ని మెత్తగా చపాతీ పిండిలా చేసి పక్కన పెట్టుకోవాలి. తర్వాత చేతికి నూనె రాసుకుని గుండ్రంగా చిన్న చిన్న బంతులను(మంచూరియా) సిద్ధం చేయాలి.
- తర్వాత స్టౌ మీద బాణలి పెట్టి నూనె పోసి.. వేడయ్యాక మంటను మీడియంలో పెట్టి బంగారు గోధుమ రంగు వచ్చే వరకు ఈ బాల్స్‌ను వేయించాలి. ఆ తర్వాత వీటిని టిష్యూ కాగితంపై వేసి పక్కన పెట్టాలి.
- ఇప్పుడు పొయ్యి మీద మరో కడాయి పెట్టి అది వేడయ్యాక కొద్దిగా నూనె పోసి, వెల్లుల్లి, పచ్చిమిర్చి, ఉల్లిపాయ ముక్కలు వేసి వేయించాలి. క్యాప్సికమ్‌ ముక్కలనూ వేసి వేయించాలి.
- తర్వాత టమాట సాస్‌, చిల్లీ సాస్‌, వెనిగర్‌, మిరియాలు, ఉప్పును జోడించాలి.
- సాస్‌ చిక్కగా మారేవరకు పెద్ద మంటపై కలుపుతూ ఉండాలి.
- తర్వాత చెంచా మొక్కజొన్న పిండిలో పావు కప్పు నీళ్లు పోసి బాగా కలపాలి. దీన్ని ఈ మిశ్రమంలో కలపాలి. గ్రేవీ కొద్దిగా చిక్కగా అయ్యే వరకు నిరంతరం కలుపుతూనే ఉండాలి.
- గ్రేవీ చిక్కగా అయిన తర్వాత.. వేయించి పెట్టుకున్న మంచూరియన్‌ బాల్స్‌, కొద్దిగా ఉల్లి కాడల తరుగు వేసి కలపాలి.
- తర్వాత మిగిలిన ఉల్లి కాడలతో అలంకరిస్తే సరి. వేడి వేడి బ్రెడ్ మంచూరియా రెడీ..
Telangana Special Natukodi Curry : తెలంగాణ స్టైల్లో నాటుకోడి కర్రీ.. మసాలా నషాళాన్ని తాకాల్సిందే!
