పెద్దపల్లి జిల్లా మంథని పట్టణ సమీపంలోని పెద్దపల్లి-కాటారం రహదారిపై రోడ్డుప్రమాదం చోటుచేసుకుంది. బొలెరో వాహనాన్ని గుర్తు తెలియని వాహనం ఢీకొట్టింది. ప్రమాదంలో రవీందర్రెడ్డి, నాగరాజు అనే ఇద్దరు వ్యక్తులు అక్కడికక్కడే మృతి చెందారు.
మంథని పట్టణంలో నివసిస్తున్న కాంట్రాక్టర్ మందల రవీందర్రెడ్డి, పుట్టపాక గ్రామానికి చెందిన నాగరాజులు ఎక్లాస్పూర్ గ్రామానికి వెళ్లి.. తిరిగి మంథనికి వస్తుండగా.. గుర్తుతెలియని వాహనం వీరి వాహనాన్ని ఢీకొట్టింది. ఘటనలో ఇద్దరూ అక్కడికక్కడే మృతి చెందారు. సమాచారం అందుకున్న పోలీసులు ఘటనా స్థలికి చేరుకున్నారు. మృతదేహాలను పోస్టుమార్టం నిమిత్తం మార్చురీకి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.
