ఉద్యోగాల పేరుతో నిరుద్యోగులను లక్ష్యంగా చేసుకొని సైబర్ నేరగాళ్లు దోచుకుంటున్నారు. సికింద్రాబాద్ వారాసిగూడకు చెందిన సయ్యద్ అహ్మద్ విదేశాల్లో ఉద్యోగం కోసం ప్రయత్నిస్తున్నారు. శాంసన్ లీగల్ ఛాంబర్స్ జెమ్స్ ఎడ్వర్డ్ అనే వ్యక్తి నుంచి ఎంబసీ కాంటాక్ట్ నంబర్తో ఉన్న మెయిల్ వచ్చింది. ఆ నంబర్లో ఉన్న డేవిడ్ అనే వ్యక్తితో మాట్లాడితే ఎలాంటి పరీక్షలు లేకుండా యూకేకి వీసా ఇప్పిస్తానని మెయిల్ నమ్మించాడు. అహ్మద్ సంప్రదించగా ఖర్చుల కోసమంటూ రూ. 1.50 లక్షలు తన ఖాతాలో జమ చేయించుకొని ఫోన్ స్విచ్ఛాప్ చేశాడు.
అఫ్జల్గంజ్కు చెందిన అమిత్ కుమార్ ఉద్యోగం కోసం ఓ సైట్లో ఫ్రొఫైల్ పోస్ట్ చేశారు. రెండు రోజుల కింద ఆయనకో వ్యక్తి ఫోన్ చేసి ఉద్యోగం ఉందని చెప్పి ధ్రువపత్రాలు, ఇతరాత్రా ఖర్చుల పేరుతో రూ. 60వేలు దోచేశారు. శాలిబండకు చెందిన షేక్ ముఖ్రమ్ హుస్సేన్కు రాజ్ కుమార్ అనే వ్యక్తి ఫోన్ చేశాడు.
కౌన్ బనేగా కరోడ్పతి కార్యక్రమ ప్రతినిధిని మాట్లాడుతున్నాను. లాటరీలో మీకు రూ. 10 లక్షల విలువ గల బహుమతి వచ్చిందని నమ్మించాడు. జీఎస్టీ, ఇన్కంటాక్స్, సీఎస్టీ వంటి కట్టాలని రూ. 1.55 లక్షలు తన ఖాతాలో జమా చేయించుకున్నాడు. బాధితుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
ఇదీ చదవండి: 10 మందిని బలితీసుకున్న రహదారులు
