విద్యుదాఘాతంతో లైన్​మెన్​ మృతి

విద్యుత్ మరమ్మతు పనులు చేస్తుండగా విద్యుదాఘాతంతో లైన్​మెన్​ మృతి చెందిన ఘటన సంగారెడ్డి జిల్లా జహీరాబాద్​లో జరిగింది. మృతుడి కుటుంబానికి న్యాయం చేయాలని బంధువులు డిమాండ్​ చేశారు.

సంగారెడ్డి జిల్లా న్యాల్కల్ మండలం గన్మాజోటి గ్రామానికి చెందిన శేఖర్(48) లైన్​మెన్​గా పని చేస్తున్నారు. బుధవారం రాత్రి ఈదురుగాలులతో కూడిన వర్షానికి జహీరాబాద్​లోని శాంతి నగర్ కాలనీలో సెల్​ఫోన్ టవర్​లో విద్యుత్ సమస్య ఏర్పడింది.

అక్కడికి వెళ్లిన లైన్​మెన్ శేఖర్ మరమ్మతు చేస్తుండగా ఒక్కసారిగా విద్యుత్ సరఫరా జరిగి అక్కడికక్కడే ప్రాణాలు వదిలారు. విధినిర్వహణలో మృతి చెందిన శేఖర్​ కుటుంబానికి న్యాయం చేయాలని మృతుడి బంధువులు డిమాండ్​ చేశారు.

ఇదీ చూడండి: మద్యానికి బానిసైన వ్యక్తి చెట్టుకు ఉరేసుకుని ఆత్మహత్య