నా పేరు మీద వచ్చే సందేశాలకు స్పందించకండి: సీఐ

సైబర్​ నేరగాళ్లు పోలీసులు పేర్ల మీద నకిలీ ఫేస్​బుక్​ ఖాతాలు సృష్టించడం సంచలనం కలిగిస్తోంది. తాజాగా మంచిర్యాల జిల్లా బెల్లంపల్లి గ్రామీణ సీఐ జగదీష్​ పేరిట... మిత్రులకు సందేశాలు పంపించారు. అప్రమత్తమైన సీఐ... ఎవరూ స్పందించొద్దని సూచించారు.

మంచిర్యాల జిల్లా బెల్లంపల్లి గ్రామీణ సీఐ జగదీష్ పేరు మీద గుర్తు తెలియని వ్యక్తులు నకిలీ ఫేస్​బుక్ ఖాతా ప్రారంభించారు. అర్జెంట్​గా పది వేలు పంపించమంటూ... సీఐ స్నేహితుడికి సందేశం పంపించారు. దీనిని గమనించి అప్రమత్తమైన సీఐ... తన పేరుతో వచ్చే సందేశాలకు స్పందించవద్దని సూచించారు. ఈ మేరకు ఓ ప్రకటనను వాట్సప్​ పోస్టు చేశారు.

పోలీసులకు సంబంధించిన నకిలీ ఫేస్​బుక్ ఖాతాను సృష్టించడం సంచలనం కలిగిస్తోంది. సోషల్ మీడియాలో జాగ్రత్తగా ఉండాలని పోలీసులు సూచిస్తున్నారు. హ్యాకర్లు ఏకంగా పోలీసుల పేరు మీదనే నకిలీ ఖాతాలు సృష్టించడం విస్మయం కలిగిస్తోంది. దీనిని పోలీసు శాఖ సీరియస్​గా పరిగణిస్తున్నట్లు తెలుస్తోంది.

ఇదీ చూడండి: నల్గొండ ఎస్పీ అకౌంట్​ హ్యాక్.. డబ్బుల వసూళ్లకు పాల్పడిన కేటుగాళ్లు!