కామారెడ్డి జిల్లా కేంద్రంలో కొబ్బరి బొండాలు అమ్మే వ్యక్తి కత్తితో రెచ్చిపోయాడు. బొండాలు కొనడానికి వచ్చిన వ్యక్తి తొడపై కత్తితో దాడి చేసి తీవ్రంగా గాయపరిచారు. జిల్లా కేంద్రంలో కొబ్బరి బొండాలు అమ్మే వ్యక్తి దగ్గరికి గాంధారికి చెందిన సర్దార్ వెళ్లాడు. బోండాల ధర విషయంలో ఇద్దరి మధ్య కాసేపు వాగ్వాదం చోటు చేసుకుంది. ఆగ్రహానికి గురైన బొండాలు అమ్మే వ్యక్తి.. సర్దార్ తొడపై కత్తితో దాడి చేశాడు.
అంతటితో ఆగకుండా తనకు పోలీసులందరూ తెలుసంటూ కత్తి పట్టుకొని పోలీస్ స్టేషన్‌కు వెళ్లాడు. తీవ్రంగా గాయపడిన సర్దార్ జిల్లా ఆస్పత్రిలో చికిత్స పొందుతున్నాడు.
ఇదీ చదవండి: కొనసాగుతున్న ఉపరితల ద్రోణి.. రాష్ట్రంలో వర్షాలు!
