ఉదయ్శంకర్ పారుపల్లిపై రూ. 90.65లక్షలు మోసం చేసినందుకు గాను పోలీసులు కేసు నమోదు చేశారు. మే 22న రెండు లక్షల 3ఎం ఎన్95 8310 మోడల్ మాస్కులను డాక్టర్ చంద్రమోహన్ డ్యూక్ కంపెనీ బిష్కేక్, కిర్గిస్థాన్తో ఒప్పందం కుదుర్చుకున్నారు. ముందుగా తన ఫార్మా కంపెనీ ఖాతాలోకి 20 శాతం మొత్తాన్ని జమ చేయాలని ఉదయ్శంకర్ తెలిపారని.. అతన్ని నమ్ముతూ తాను వివిధ తేదీల్లో డబ్బును జమచేసినట్లు చంద్రమోహన్ ఫిర్యాదులో తెలిపారు.
| తేదీ | జమ చేసిన డబ్బులు (రూ. లలో) |
| 31 మే | 2,00,000 |
| 01 జూన్ | 12,00,000 |
| 22 జూన్ | 57,34,824 |
| 02 జులై | 19,30,337(25.000 యూఎస్ డాలర్లు) |
| మొత్తం | 90,65,161 |
ఈ లావాదేవీలు పూర్తయ్యాక ఉదయ్శంకర్ తనకు 3ఎం ఎన్95 మాస్కులకు సంబంధించి ఎస్జీఎస్ సర్టిఫికేట్ను అందజేసినట్లు చంద్రమోహన్ తెలిపారు. అయితే అది నకిలీ ధ్రువపత్రమని తాను గుర్తించినట్లు ఆయన వివరించారు. వెంటనే ఉదయ్శంకర్ను సంప్రదించి.. తన డబ్బులను తిరిగిచ్చేయాలని కోరగా... పారుపల్లి ఉదయ్శంకర్.. నగదును చెల్లించేందుకు నిరాకరించి.. తనను చంపేస్తానని బెదిరించాడని పోలీసులకు చెప్పారు. ఈ నేపథ్యంలో పోలీసులు ఉదయ్శంకర్పై కేసు నమోదు చేసి దర్యాప్తు చేస్తున్నారు.
ఇదీ చదవండి: సైకో తండ్రి... ఇద్దరు కుమార్తెల గొంతు కోసి చంపేందుకు యత్నం
