యెమెన్లోని బైదా రాష్ట్రంలో దారుణం జరిగింది. ఓ వ్యక్తి తన భార్య, ముగ్గురు పిల్లలు సహా మొత్తం 12 మందిని చంపేసినట్లు భద్రతా అధికారులు వెల్లడించారు. కుటుంబ వివాదానికి సంబంధించి ఈ హత్యలు జరిగినట్లు తెలిపారు. అనంతరం పోలీసులు జరిపిన కాల్పుల్లో ఆ వ్యక్తి హతమైనట్లు స్పష్టం చేశారు.
హంతకునికి తన భార్యతో వివాదం ఉన్నట్లు తెలుస్తోంది. ఆమెకు 20 రోజుల కింద ఓ బిడ్డకు జన్మనిచ్చిన నేపథ్యంలో తన తండ్రి ఇంటి వద్ద ఉంటోంది. సమస్య పరిష్కారంపై చర్చించేందుకు వెళ్లిన నిందితుడు.. 20 రోజుల శిశువుతో సహా అందరిపై కాల్పులు జరిపాడు.
ఈ క్రమంలో పోలీసులపైనా దాడి చేయగా ముగ్గురు గాయపడ్డారు. అనంతరం పారిపోయేందుకు ప్రయత్నించిన అతడ్ని భద్రతా సిబ్బంది మట్టుబెట్టారు.
ఇదీ చూడండి: గిల్గిత్ బాల్టిస్థాన్లో పాక్ సర్కారుకు నిరసన సెగ
