Peru gold mine fire : ఓ గోల్డ్మైన్లో జరిగిన భారీ అగ్ని ప్రమాదంలో దాదాపు 27 మంది కార్మికులు మృతి చెందారు. అనేక మంది గాయపడ్డారు. కార్మికులు నైట్ షిఫ్ట్ పనుల్లో నిమగ్నమై ఉండగా గనిలో ఒక్కసారిగా మంటలు చెలరేగాయి. దక్షిణ పెరులోని యానాకిహువా మైనింగ్ కంపెనీకి చెందిన గనిలో ఈ ప్రమాదం జరిగింది. ఘటన అనంతరం సహాయక చర్యలు చేపట్టి.. మొత్తం 175 మంది కార్మికులను ప్రమాదం నుంచి సురక్షితంగా కాపాడినట్లు అధికారులు తెలిపారు. శుక్రవారం అర్థరాత్రి దాటాక ఈ ప్రమాదం జరిగినట్లు వారు వివరించారు. షార్ట్ సర్కూట్ కారణంగానే ప్రమాదం జరిగి ఉండవచ్చని అధికారులు భావిస్తున్నారు.
అమెరికాలో విదేశీయులపైకి దూసుకెళ్లిన కారు.. 8 మంది మృతి..
america road accident today : అమెరికాలోని ఓ బస్స్టాప్ వద్ద బస్ కోసం వేచి చూస్తున్న విదేశీయులపైకి కారు దూసుకెళ్లింది. ఘటనలో అమెరికా పౌరులతో సహా మొత్తం 8 మంది అక్కడికక్కడే మృతి చెందారు. చాలా మంది గాయపడ్డారు. హ్యూస్టన్ నగరంలో ఈ ప్రమాదం జరిగింది. ఆదివారం ఈ ఘటన జరిగినట్లు అధికారులు తెలిపారు. ప్రస్తుతం పది మంది ఆసుపత్రిలో చికిత్స పొందుతున్నట్లు వారు వెల్లడించారు.
అధికారులు తెలిపిన వివరాల ప్రకారం..
నిర్లక్ష్యంగా వాహనం నడిపి 8 మంది మృతికి కారణమైన నిందితుడిపై కేసు నమోదు చేసి అరెస్ట్ చేసినట్లు అక్కడి పోలీసులు తెలిపారు. ప్రస్తుతం అతడ్ని జైలులో ఉంచినట్లు వారు వెల్లడించారు. ఈ ఘటన ప్రమాదవశాత్తు జరిగిందా లేదంటే.. ఉద్దేశ పూర్వకంగా చేశారా? అన్న కోణంలో విచారణ చేస్తున్నట్లు అధికారులు వివరించారు. ప్రమాదం జరిగిన జరిగినప్పుడు బస్ షెల్టర్ వద్ద 20 నుంచి 25 మంది బస్ కోసం వేచి చూస్తున్నారని.. అదే సమయంలో వేగంగా వచ్చిన ఓ కారు వారిని ఢీకొట్టిందని ప్రత్యక్ష సాక్షులు తెలిపారు. కాగా బాధితులు.. రెండు మూడు రోజుల క్రితమే వెనిజులా నుంచి అమెరికాకు వచ్చారు.
దుబాయ్లో భారీ అగ్నిప్రమాదం నలుగురు భారతీయులు సహా 16 మంది మృతి..
Dubai building fire accident : కొద్ది రోజుల క్రితం దుబాయ్లో జరిగిన ఘోర అగ్నిప్రమాదంలో నలుగురు భారతీయులు సహా మొత్తం 16 మంది మరణించారు. మరో 9 మంది గాయపడ్డారు. అల్ రస్ ప్రాంతంలో ఈ దుర్ఘటన జరిగింది. మృతుల్లో కేరళకు చెందిన ఇద్దరు ఉన్నారు. వీరు భార్యాభర్తలు. తమిళనాడుకు చెందిన మరో ఇద్దరు పురుషులు కూడా అగ్ని ప్రమాదంలో ప్రాణాలు కోల్పోయారు. వీరు ఆ భవనంలో పని చేస్తున్నారు. భవనం నాల్గవ అంతస్తులో.. మంటలు చెలరేగాయి. వెంటనే అగ్నిమాపక సిబ్బంది, ఇతర విభాగాల సిబ్బంది ఘటనా స్థలానికి చేరుకుని.. మంటలను అదుపులోకి తెచ్చారు. పూర్తి వివరాల కోసం ఇక్కడ క్లిక్ చేయండి
