New Omicron strain: కరోనా నుంచి ఊపిరి పీల్చుకుంటున్న సమయంలో మరో కొత్త ఒమిక్రాన్ వేరియంట్ పుట్టుకొచ్చినట్లు తెలిపింది డబ్ల్యూహెచ్ఓ. యూకేలో మొదటగా గుర్తించిన ఈ వైరస్ రకం.. అత్యంత వేగంగా వ్యాప్తి చెందుతున్నట్లు అధికారులు వెల్లడించారు. కొవిడ్ నుంచి ఇంకా ముప్పు పొంచే ఉందని తెలిపిన డబ్ల్యూహెచ్ఓ.. వైరస్ కట్టడి చర్యలను తగ్గించడంపై ఆందోళన వ్యక్తం చేసింది. బీఏ1, బీఏ2 రకాల కలయికతో ఉన్న వైరస్ 'ఎక్స్ఈ'ను జనవరి 19న గుర్తించినట్లు పేర్కొంది. అప్పటి నుంచి దాదాపు 600 రకాలను పరిశీలించినట్లు నివేదికలో పేర్కొంది.
బీఏ 2 రకం కంటే పది రెట్ల ఎక్కువగా వ్యాప్తి చెందే సామర్థ్యం ఈ కొత్త రకం వేరియంట్కు ఉందని డబ్ల్యూహెచ్ఓ తెలిపింది. దీనిపై ఇంకా పరిశోధనలు అవసరమని అభిప్రాయపడింది. వైరస్ లక్షణాలు, తీవ్రతలోనూ తెడాలున్నట్లు పేర్కొంది. ప్రపంచంలో ఇటీవల పలు దేశాల్లో టెస్టింగ్లు గణనీయంగా తగ్గించడంపై డబ్ల్యూహెచ్ఓ ఆందోళన వ్యక్తం చేసింది. దీనివల్ల వైరస్ వ్యాప్తిని అంచనా వేయలేమని తెలిపింది. దీనివల్ల ఆస్పత్రుల్లో చేరేవారి సంఖ్య, మరణాలు పెరుగుతాయని హెచ్చరించింది.
ఇదీ చదవండి: బ్రిటన్లో కరోనా విజృంభణ.. వారంలో 50లక్షల కేసులు
