కనీసం కోటి కరోనా టీకా డోసులను పేద దేశాలకు అందించాలని సంపన్న దేశాలను కోరింది ప్రపంచ ఆరోగ్య సంస్థ (డబ్ల్యూహెచ్ఓ). దీంతో 2021లో తొలి వంద రోజుల్లోనే అన్ని దేశాలకూ వ్యాక్సిన్ పంపిణీ చేయాలనే లక్ష్యాన్ని చేరుకోవాలని భావిస్తోంది.
కొవాక్స్కు టీకా సరాఫరాల సమస్యల కారణంగా 20 దేశాలు ఇంకా తొలి వ్యాక్సిన్ కూడా అందించలేకపోయాయని డబ్ల్యూహెచ్ఓ చీఫ్ టెడ్రోస్ అధనోమ్ తెలిపారు. టీకా ఉత్పత్తిని పెంచాలని తయారీదారులను ఆయన కోరారు. పేద దేశాలకు వ్యాక్సిన్ సాయం చేసే అవకాశం కలుగుతుందని చెప్పారు.
ఫార్మసీ సంస్థలతో జరిగిన ప్రైవేట్ ఒప్పందాల కారణంగా వృద్ధి చెందుతున్న దేశాలకు టీకాలు స్వల్పంగా అందుతున్నాయని టెడ్రోస్ ఆక్షేపించారు. రాబోయే నెలల్లో కొవాక్స్కు కోట్ల కొద్దీ వ్యాక్సిన్ల అవసరం అవుతుందని పేర్కొన్నారు. సరఫరాల్లో జాప్యం కారణంగా మే నాటికి 9 కోట్ల టీకాల లోటు ఏర్పడుతుందని కొవాక్స్ భాగస్వామి గవీ తెలిపింది.
ఇదీ చూడండి: భారత్లో కరోనా విజృంభణతో 'కొవాక్స్'పై ప్రభావం!
