లండన్​ రోడ్డుకు 'గురునానక్​' పేరు

లండన్​లో సిక్కులు అధికంగా ఉండే సౌతాల్​లోని ఓ రోడ్డుకు గురునానక్​ పేరు పెట్టేందుకు వెస్ట్​ లండన్​ కౌన్సిల్​ ఆమోదం తెలిపింది. వచ్చే ఏడాది ప్రారంభంలో ఈ పేరు అమల్లోకి వస్తుందని అధికారులు తెలిపారు.

ప్రపంచవ్యాప్తంగా సిక్కులు గురునానక్​ 551వ జయంతిని ఘనంగా జరుపుకొంటున్న వేళ.. ఆ మహోన్నతుడికి లండన్​లో సముచిత గౌరవం దక్కింది. లండన్​లో సిక్కులు అధికంగా ఉండే సౌతాల్​లో గల ఓ రోడ్డుకు గురునానక్ పేరును పెట్టేందుకు వెస్ట్​ లండన్​ కౌన్సిల్​ సోమవారం ఆమోదం తెలిపింది. అందులో భాగంగా చారిత్రక హావ్​లాక్​ రోడ్డుకు గురునానక్​ పేరు పెట్టనున్నారు.

నగరంలోని భిన్నత్వాన్ని ప్రతిబింబించేలా లండన్​లో చారిత్రక ప్రదేశాలకు కొత్త పేర్లు పెట్టాలని మేయర్​ సాధిక్​ ఖాన్​ ఓ కమిషన్​ను ఏర్పాటు చేసిన నేపథ్యంలో.. గురునానక్ పేరును ఓ రోడ్డుకు పెట్టాలనే ప్రతిపాదన తెరపైకి వచ్చింది. వచ్చే ఏడాది ప్రారంభంలో ఈ పేరు అమల్లోకి వస్తుందని అధికారులు వెల్లడించారు.

నగరంలోని పెద్ద గురుద్వారాల్లో ఒకటైన శ్రీ గురుసింగ్​ సభ సౌతాల్​ సమీపంలో ఈ రోడ్డు ఉంది.

ఇదీ చూడండి: స్వర్ణదేవాలయంలో సిక్కులు ప్రత్యేక పూజలు